معلوماتك اخي الكريم تحتاج الي اعادة ترتيب

هاجر بالكسره وليس بالفتحه وهاجر هو لقب وليس اسم

هاجر هو : منصور بن ضيغم بن منيف الي ان تصل الي روح بن مدرك في جنب


وسمينا هواجر من طنانا .... هجر منصور من ربع اقدمينا
خوانن اربعه مابه مخالف .... خوانن اربعه ومذربينا
طريف وعلي وعبدالله على امه .... ويجي شهوان زيزومن عظينا
عبيده امنا مافيه منكر ... ولابه ام ينكرها جنينا
وحنا جدنا جنب المسمى ... وحنا روس جنب الاولينا

__________________
نسأل الله العفو والعافيه

اخي بن قشعم الهواجر كقبيلة وكيان ذكروا في التاريخ قبل الضياغم فاول ذكر للهواجر كان في القرن الخامس بينما اول ذكر للضياغم هو في القرن السابع وانتساب بني هاجر لمنصور بن ضيغم خطاء لان منصور بن ضيغم اتى بعد الهواجر بقرون فلا يستقيم هذا النسب والصحيح ان الهواجر ينتسبون لشريف وهو منصور الاول وهم على قسمين منهم من ينتسب صراحه في عمود النسب لشريف وهم ال علي ومنهم من ينتسب في شريف وعبيدة في نفس الوقت وهم ال محمد وال بكر ومنهم المخضبه فهم من نسل روح بن مدرك و ينتسبون مع باقي قبائل شريف في شريف لان شريف عم لابناء روح بن مدرك فهم ينتسبون لشريف من باب انتساب الرجل لعمه ولان امهم هاجر من شريف وينتسبون مع عبيدة في عبيدة لان جدانهم ابناء روح بن مدرك زوج عبيدة الثاني ينادون بامهم عبيدة اذا هم يجتمعون مع باقي قبائل عبيدة في عبيدة لانهم اخوه لهم من الام 0
اما سبب الاشكال بان الهواجر يقولون انهم ينتسبون لمنصور بن ضيغم فهو لتشابه الاسم بين منصور الاول اللي هو شريف وبين منصور بن ضيغم 0
الامر الاخر المهم انه بعد الخلاف الكبير بين ابناء الضياغم مع بعضهم وهم ال راشد وال ضيغم انقسمت عليهم قبائل روح بن مدرك ويسمون عبيدة المعضد فاصبح ناس منهم مع الضياغم او بالا صح مع شيخ الضياغم في وقته منصور بن ضيغم ومن اللذين انحازوا معه هم الهواجر ابناء بكر ومنهم المخضبة ووتفرق الباقين من ابناء روح وهم عبيدة المعضد وقد دخل بعضهم مع شمر وهم ال عبدالرب (عبدة ) وبعضهم مع مطير وبعضهم مع ابناء عمومتهم عبيدة جنب ابناء معاوية الخير ابن الحارث مثل بني طلق وال معمر وبعضهم بقي او رجع الى وادي عبيدة في اليمن وهم اهل براد والله اعلم

الاخ :ابن شريم عبيدة

طالما أنك عبيدي وهذا ردك على نسب الهواجر ,الهواجر تشرف قحطان كلها وإرجع لمواقف الهواجر في التاريخ

ثم على أي مصدر إستندت أمل من المراقبين والمشرفين الاطلاع على ما حررته فإذا لم يستند لمصدر

أمل حذف ردك وأنت لست بعبيدي وإذا أنت عبيدي وضح أسمك وقبيلتك كما أورد للقارئ الكريم

قصيدة الشاعر /:إبن عفيشه في إيضاح نسب الهواجر,,,,

[poem=font="Simplified Arabic,6,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياسعيد كان تسال جد وتحفيد=لك معنوي باصلنا تستفيده
يمكن عليك نزل بالخبر ونزيد=الا انشد التاريخ تلقا وكيده
حنا الذي يضرب بنا الوصف ياسعيد=ضياغم من روس جنب وعبيده
وهواجر يوثق بنا في المعاهيد=قحطان ابونا حافظين رصيده
والسمت والشيمه وقسم من الجيد=سلم لنا كل القبايل تريده
نزهين من قرب الدنس والمناقيد=وعروضنا مثل الثياب الصفيده
وقصيرنا ماحن لبيته رواويد=لا غاب منه لين حتى يعيده
ولا نختبي دونه بالاشيا المزاهيد=وايدينا في غالي الزاد بيده
ونتبع مراضي جاهله لو على الديد=ولكرام جار البيت نفرح وليده
وان مر كلبه ماحذفناه بالحيد=لو كان مانرجي ورا الكلب صيده
ونطنف مراحيله ولو هي مغاميد=وعلى كرامه ضيفنا هو قعيده
وخوينا نكمد مشاكيه تكميد=لو مايهوجس يمنا بتعويده
وان زارما العاني لبعض المقاصيد=متعلث ماننشده عن سديده
نذبح سمان الضان له والمفاريد=ومن جاد للعاني فرحنا بجيده
وان جاو اهل جيش ونايا مضاديد=ماذاقوا امس الا شلاوي قديده
نقحص لهم بالهيل ترس المباريد=والبن يحمس جمر الارطا وقيده
ونقحص لشتويا دفوفه ملاهيد=ويفهق لهم عقب العشا به بريده
وان زارنا المجرم يقزي لذاويد=ينزل ويرحل ماجعل له نضيده
فوق العلا نرفع مبانيه ونشيد=الين يبعد من وطنا شديده
وان رامنا ضدا عمدنا بتكويد=عود بغبنه عبرته في وريده
نجعل على زوره رسوم مجاديد=ويبطي وكبده من سنعنا غديده
وايلا انتزح منا ورا واسع البيد=فالجيش يقطع مستواه وقويده
ماهو علينا لو بغيناه بعيد=نصبر على حر الزمان وجليده
ناتيه في الكنه حلول المواريد=معطان والا نرضمه بتهجيده
يصبح قطيعه بين الايدي تباديد=ويفرح ايلا ردوا عليه الشريده
واقفوا على ابله شايلين التغاريد= ومن الحسايف يصفق ايده على ايده
ومن زان حنا له خيارا اجاويد=ومرجام للشيطان لفتل قيده
لحركوا الاسباب بعض المقاريد=نوطي على الزرب الصريع وهميده
وان صار من بعد التساهل تلاديد=فالرابح اللي مقبلاته سعيده
سلم النضا والخيل مافيه تبنيد=في كل وقت لابسين عديده
وان ثار عكنان كشف غره الغيد=ندعي النفوس الغاليه به زهيده
نلقط على الهيجا وحس البواريد=لو كان ماينفع عضيدا عضيده
لاوصلت الذله معلق لواريد=واللي معه جريا تقاصر فديده
ونفرج ايلا من صار صكا وتسنيد=الى استغرب الطارد بقيضه طريده
صار اجتوال الخيل تن وتفاريد=وكلا يخايل غره في نديده
هذا عليه معودين تراديد=ونحيي الامور الماضيه بالجديده
وعشنا على صايب ومصيوب وشهيد=وهذاك ممنوع تعزف ذويده
وهذاك معتدي وذا كاسب فيد=واصبح يوزع بين الادنين فيده
تمت وصلى الله وسلم بتجويد=على نبي مخلص بالعقيده [/poem]

__________________