[poem=font="times new roman,5,black,normal,normal" bkcolor="transparent" bkimage="backgrounds/4.gif" border="solid,4,gray" type=2 line=0 align=center use=ex num="1,black""]
هَاجسي وَدّ الطروق اللي لها ملح وطراه=واصرف الكلمه مثل صرف الجنيهات الحمر

أبغي التصوير فيها.. مثل تصوير الهواه=القصيده بنت يمشق طولها حلو الصور

مستمعها مزرعه.. وابياتها مثل المياه=والحواس الصامته تثمر.. ولو ما هي شجر

تدري ان موضوعها جبّار.. ويش اللي تراه=احتزم يا راس مالي بالجواهر والدرر

عندي ادروس وتجارب.. تستحق الانتباه=من عقايبها.. لسان الوقت مهديني عذر

من عقايبها.. نحل جسمي وبيّن منحناه=صرتِ عُودٍ والزمن نجار.. ينحت ما فتر

يا نجم.. ياللي سواتك مستبدٍّ في سماه=وش يردّك للعيون اللي مقطّعها السهر!!

يا نجم.. لا تحسب ان الوقت ما بيّن جفاه=مبتلش به.. مبتلش به.. والجفا منّي ظهر

مكلفٍ بي.. مكلفٍ بي.. وايحداني واحداه=وشفت منّه يا نديمي شي!! ما شافه بشر

ايتقوّى بالليالي.. واتقوّى بالصلاه=وش يا لولا ركعتين قبل يذّن للفجر

الله اللي لي بغا للعبد خيرٍ(ن) إبتلاه=لي ابتلا عبده يشوف.. اما شكر والا كفر

أحمد الله.. والله اللي ما يخيّب من رجاه=واهني اللي على البلوى تصبّر واصطبر

عزتي للي محابيله تثنّى من وراه=كم خذينا في زمنّا من دروس.. ومن عبر

يفخر الرجال دايم.. بين ربعه واصدقاه=وان بدى اللازم.. يشوف الناس بثياب وغتر

تكثر القالات.. لكن كل رجل ومستواه=ما لها غير الرجال اللي يشوقون النظر

والمواقف بعضها يحتاج لاسلوب وجراه=والجراه احيان تجلب للكفو غلطة عمر

ما يفرق بينها غير الرجاجيل الدهاه=إمّا يحلّون العقد.. والا يجونك بالظفر

والكفو يا نجم.. لو فاتت ملذات الحياه=ما يفوّت والنعم.. لو فات ثلثين العمر

لو عزوم الرجل خارت.. لا فلا حيّا نباه=لو يطوّل سالفة عمره.. فلا منها ثمَر

البحر ما ينفع الضامي.. ولا يروي ضماه=كوب من موية قراح.. أخِيْر من ماء البحر

يعرف المقصود رجال حصل له ما كفاه=وادبلت كبده ظروف الوقت واصروف القدر

يا نجم همّي تزاحم فوق صدري.. وش بلاه!!=حصّل ابعيرٍ يشيل الحمل.. ما والله عثر

يا نَجِم !! وضعي تناسه .. لاتحاول في دواه=وضعي امشربك..وانا خابر.. ولك منّي شكر[/poem]

__________________
الحمد لله