[poem=font="Traditional Arabic,5,gray,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
يا بَعَدْهُـمْ كـلـّـهم ليتني فيك أهتنيت=غبت والغيبة عساها ما تبطي .. يا مناي
يا بَعَدْهُـمْ كـلــّهم .. بالخطـا توّي دريت=كنت احسب انّك شبح حبّ جا لرضى هواي
ليتني .. في صفحة الحبّ ياعمري قريت=كان يمكن يامنى القلب ما يحصل خَطاي
لا تحسّسني بذنبي .. ترى بعدك بكيت=شف دموعي .. ياحبيبي وتعرف مبتغاي
اهتويت الحزن .. بعدك وأنا اللي لَــ اهتويت=ما اهتويت إلّا سعادة تغرّد في حشاي
اقتنيت الهمّ .. بعدك وأنا اللي لَــ اقتنيت=ما أقتنيت إلّا تفاؤل يحقّق لي رجاي
أرتويت المر .. بعدك وأنا اللي لَــ ارتويت=يعرفون النّاس طعم الحلاوة .. من حلاي
أنطويت وصرت وحدي .. وأنا اللي ما انطويت=غابت السهرة .. وغابت عيونٍ في حراي
كم شكيت لكل واحد .. وأنا اللي لا شكيت=ما شكيت إلّا على الله .. ربي ملتجاي
أبتديت أشكّ في كل حاجة .. وأنتهيت=وأنت بيدك عودتي .. وأنت تعرف يا غلاي
صارت الدنيا بعيني .. من الماضي المقيت=مدري الدنيا كذا .. وألّا هو حبّك بلاي
ما يكفّي بعتهم لأجل عينك .. وأشتريت=حبّك .. اللي صار دائي .. عسى يصبح دواي
بس تدري ليتني قبل ما تقفي .. رميت=كلّي بحضنك .. ياعشقي ياروحي يا انتماي
طالبك تكفى حبيبي .. في بعدك ما قويت=كل حاجة لأجلك تهون .. بس ارجع علاي
يا حبيبي .. تدري إنّي بشوفك .. ما أهتنيت=طالت الغيبه .. عساها ماتبطي ..يامناي[/poem]