[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
المراجل شيمه وصبـر وعزايـم=والعقول الناضجه بالدين حيـه
والعطا من ربنا منشي الغمايـم=والجميل إقسوم والنيـه مطيـه
والبخل والشح من طبع الهلايـم=والحسد مكروه من رب البريـه
والحياه إحضوض والدنيا غنايـم=حد تركت له وحد هبت إضويه
ظالمه ماتنصف بـوزن القسايـم=لا أقبلت ترحم ولا قفت جفيه
والسلامه والرخا ماهي بدايـم=والليالي بين روحـات" وجيـه
والجمل ماينتهض لولا القوايـم=ينتهض لا صارت عضوده قويه
والردي ماله جديد ولا قدايـم=خاسر ٍ فـي التاليـه والاوليـه
ليت في وجه الردي رمز وعلايم=كان ما يعطى وقـار ومقدريـه
والله أني من بعض لخوان شايـم=خيب الهقوات مقطوع العنيـه
جعل يفدا الكفو لباس العمايـم=له فعول وينذكر في كـل هيـه
يجلي هموم الوحيد من العظايـم=لارفع بالصوت وين أهل الحميه
من خذا بنت الردي لحقه لوايـم=ما بزى منهـا زبـون ٍ للونيـه
ومن خذا بنت الكفو راعا اللزايم=يرتفع راسه ويرفـع راس حيـه
وكر حر ٍ منه طير العـز حايـم=من قنص به دسمه كفـه جريـه
ومن جنا من وكر شبوط الهتايم=ماربح واللي جنا وكر الحديـه
والغلط عكس القدا ماهو يلايم=والخطا يجعل بوسط الكبد كيـه
الرجا والياس والواقـع توايـم=بين مر وبيـن حالـي سرمديـه
والقهر والضيم تجـلاه العزايـم=بالأماني والطمـوح الماجديـه
يالله اني جارك من اهل الظلايـم=والجهل والزيغ وأهل العنجهيـه
ومن هل النمه ومن قوم الشتايم=يفسدون الرأي وتضيع القضيـه
قال الاول من عنا للجود رايـم=شب ضوه ماطفت والنار حيـه
والمراجل دونهـا بـرد وسمايـم=كايده ماهي بمشـراق ٍ وفيـه
من عشقها يشتري ماهو بسايـم=يتعب الاقدام ويحـث المطيـه
لين يدرك غايته قاعـد وقايـم=لا كسبها جعل تخطيـه المنيـه
والعنى والعـز والمعنـى تمايـم=بالظفر والعرف والكف النديـه[/poem]

وسلامتكم

__________________
[poem font="Simplified Arabic,5,firebrick,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
من هاب روس المعالي ماوصل قمه=يعيش طول الدهر من دون في دوني
روس المعالي تبا مع الطمع همه=همة رجال ٍ تخلي الكايد يهوني[/poem]