يالله يالي كل لمات ترجيك*** **ياواحد ماخاب حي ترجاك.
يارب عبد مامشى في معاصيك* ولا مشى الا في محبتك ورضاك
يامرقب بالصبح ظليت باديك**** ماواحد قبلي خبرتة تعلاك
وليت يام الدهر مكثر بلاويك**** اللة يزودنا السلامة من اتلاك
يالي على العربان عمت شكاويك* وليت يادهر الخطا ول ماقواك
واليوم هلكان وغادي شبابيك**** تلعبها الارياح من كل شباك
يامالك اسمع اجابتي يوم اوصيك** واعرف ترى يابوك بامرك وانهاك
وصية من والد طامع فيك** تسبق على ساقة لسانة لعلياك
اوصيك بالتقوى عسى الله يهديك *لها وتدركها بتوفيق مولاك
احفظ دبشك الي عن الناس مغنيك* الي ليا بان الخلل فيك برفاك
اجعل دروب المرجلة من معاليك* وادراج سايسها على العز مرقاك
لا تنسدح عنها وتبغيني اعطيك* جميع ما يكفيك ما حاصل ذاك
احذر لامر ليعات ابيها لتاليك* ايضا وترخص عندها قدر مواك
ادب والدك ان كان تبغيه يشفيك* واستسعفه من عقب مرباه ببلاك
اما سمج واستسمجك عند شانيك* ويفر من فعلة صديقك وشرواك
ولا بعد جهله ترى هوبياذيك* ** وان زعلت امه لا تخلية يالاك
احذر تضيع كل من هو ذخر فيك * معروف لا تنساه واوفه لعرفاك
ترى الصنايع بين الاجواد تشريك* واليا طمعت بركزها لاتعداك
واوف الرجال حقوقها قبل تعميك* لا تعتمد عالعفو فالحق يقفاك
وهرج النميمة والقفا لايجي فيك* وايك عرض الغافل اياي واياك
تبدي حديث الناس وفيه تشكيك* وتهيم عن الناس بالكذب واشراك
واذا نويت احذر تعلم بطاريك* كم واحد تبغية بالعرف واغواك
واحذر شماتة صاحب لك مصافيك* وليا جرى لك جاري قلت لولاك
لاتحسب ان الله قطوع يخليك* ولاتفرح ان الله على الخلق بداك
ان اشتها حط الطمع في تواليك* لو ما لقيته يافتى الجود يلقاك
ــــــــــــــــــــــــــــــــــــــــــــــــــ ــــــــــــxيتبع في حديث اخر

شكرا يابن هصام والله يعطييك العافيه

لا هنت لقحطاني وجهك ابيض