مشاركتي في : (الملتقى التاسع لشباب قحطان بجامعة الملك سعود )
الذي سوف يعرض على قناة الساحة قريبا .

[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

يا مرحبا ترحيبة مثنية=تنساق مثل الدلة البرية
ترحيبة تنساق للي حاضر=للحاضرين الضيف والطرقية
يامرحبا ترحيب قدر وحشمة=ما هل وابل مزنة" صيفية
يا مرحبا في ملتقانا التاسع=ترحيب وافي من صدوق النية
ترحيب بن وهيل باسم الداعم=شيخ فعوله كلها مسمية
في حفل شيخ عظم الله شانه=مقدام قوم يحتمون الهية
هذاك شيخ زهير راع الطالة=عز الخوي والضيف والعانية
دعمه وميقافه وطيبه عادة=وفيه الشهامه و الكرم مارية
أبوطلال الله يبيض وجهه=شيخ نشوس ليا بدا طاريه
أبوسكيته طيب الميقافي=الله عطاه الوجه والجاهية
مواقفه مشهودة و مخبورة=ما هيب مجحودة ولا مخفية
ومكارمه من طبع أبوه وجده=ما هيب مصنوعة ولاعاريه
قام بتكاليف الحفل بأكملها=ما همته لو إنها مثنية
وما ودي أنسى كل من شاركنا =واللي يساند لابته يا حية
مثل ابن خيطان الزهيري يذكر=فهد وابن شايع رفيقه خية
والملتقى بنى صروحه عامر=ثبّت جذور البنية التحتية
أسس صروح الملتقى بجهوده=ومشوا على نهجه هل الشرقية
جمع بني عمه ونومس ربعه=وقاموا معه ساعة دعى داعية
وشباب قحطان الوفا عادتهم=أحفاد قوم ينجحون الكية
قحطان أهل عز ووشناروهيبة=أهل القنا والسيف والجنبية
أقول قول الحق وأثبت قولي=وأقوالنا بفعولنا مبنية
الكفو تلقى وقفته معروفة=والأ الضعيّف وقفته عادية
والنجم يلمع في سماه العالي=نجم" يشق الليل الأسود ضية
وماكل من يفعل فعوله تذكر=وماكل رجل حاجته مقضية
يقوله اللي يحتمي ميقافه=ماطمع في هذي ولا هذيه
شاعر مع أهل الشعر يبذل جهده=وله مع هل الشعرالجزل شعبية
إليا خذا ما يأخذ إلا جزلة=ويصخر بيوت النظم والردية
والشعر سبك وحبك معنى ومبنى =ما هوب في الاوزان والقافية
هذي حقيقة واضحة معروفة=مسموعة ومكتوبة ومرئية
وختامها صلوا على سيدنا=صلّى الله وسلّم على طارية[/poem]
[/QUOTE]

__________________

الله الله ..

اررررررررررحب يا علي والله اني صادق تراحيب الحياااا ..

بيض الله وجهك على ذا الوافيه وصح الله السانك مدد بلا عدد ..

والله ومليوون نعم بك وبا الشيخ / ابو سكيته وببن خيطان وببو شايع وببو سعيد وبأخويآكم كلهم ..

علي نذر يا اللي مثلكم انه فخر لنا من حيث ماكان ..

ولاقصور في الباقي ..

وفي انتظار بث قناة الساحه للمتلقى على احر من الجمر ..

وافي ياوجه قحطان ..

تقبل مروري نفدآك ..

__________________

صح الله لسانك ياالحبابي وبيض الله وجهك

أررررررررحب يابو صالح

وصح الله لسانك وبيض الله وجهك على هذه الجزلة

وحضورك ومشاركاتك في جميع الملتقيات مكسب لنا وفخر

والله يبيض وجه من دعم ومن شارك ومن حضر

ومن ساهم في نجاح هذه الملتقيات

شاكر لك مرة أخرى وكل عام وأنت بخير

تقبل مروري,,,,

صح لسانك يابو صالح واعتلى شانك

جزل وعادتك تجيب الجزله

وعسى الله يوفقك في شاعر المعنى

صح لسانك يا الطرقي وبيض الله وجهك في ذمتي كفووووو

صح لسانك ولاهان راسك يا أبو صالح

وأنتم هل القالة والطالة يا عوال الشايب

سلمتوا ولا هنتوا

__________________

ارررررررررررررررحب يابو صالح

صح اللسانك واعتلا شانك على هذه القصيدة الجزلة وانت دايم ماتجيب الى الجزل

جعل ربي يطول في عمرك على العز والطاعة

__________________
محمد بن عبيان آل سالم الفهري

لاهنت يبو صالح على الابداع الي ماهو جديد عليك
صح لسانك ومشكوور انت تفعل وتقول
وافي ومن ربع غلاه وابو سكيته ماهي غريبة عليه
مداته غاليه
اعيد واكرر بيض الله وجهك على ماقدمته