الشايب والوايت

يسولفون عن شايب نوى يشتري له وايت علشان يسقي الحلال , وذالشايب متقاعد

وشاريله رعية غنم

وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال

فقام و توكل على الله وعزم يروح يدور له وايت.

صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.

عجب خوينا

الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح

أوصلهم وأشوف كم هو واصل سومه و إذا هم حادينه اشوف كم هو عليه.



وصل عندهم الشايب ووقف يسمعهم يحرجون , وأستانس بالحيل لأنه ماهو بغالي.

ولا ذاك الرجال

ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.

وخش معهم بالحراج ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!



يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب

وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك

بمليون ريال ذالحين ,,ذالحزه

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..وش السالفة..؟؟؟

مليون ريال ..وليه..؟؟

قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.



وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري

وش السالفه!!!.

طيب وش العلم علمني ..؟؟

علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب) خش عليهم عرض

ولايدري وش العلم.



وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..

وهو ماصدق. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك









******







الله يرزقنا بمخطط بالغلط.

ماحولكم وايت للبيع

هههههههههه....

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

ههههههههههههههههههههه

تبي مخطط بالغلط

عندك سلف ارض يالاخو

الرازق الله

تحيتي

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

ههااااااااااي

اشهدنها ارزاق ..

لاهنت يا احمد قمت اتخيل لو الموقف صاير معي هههههههههههههههاااااااي

يا حلالاه ليته والله صاير ياااااااااااااااااااااااااااااااالبييييييييييييييي يييه ..

ابشر بنفعه لوه صاير يا احمد ... هههههههههههههههاي

الله يسعدك ياذيبان خليتنا نوسع الخيال شوي ونوسوس الله يهديك ..

تقبل مروري يا لاذيب ..

ارحب بانايف

اي بالله ولية باابي مخطط بالغلط الرازق الله

واللي اعطاة يعطينا

ههههههههههههههههها

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

أظن تم طرح الموضوع قريبا

مشكور اخوي ما قصرت

__________________

يالبى قلبك يا آل معمر

في الاعادة إفادة

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

صدق ضرسك ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..