السلام عليكم ورحمه الله وبركاته


(راسي)


راسي و لو شحّ الزمن ما حنيته
ما باقي إلا إنتِ توطيّن راسي


رضيت بالهم وتعزّبت بيته
و صبري و عزّة نفسي أهلى و ناسي


يا مرحبا بالجرح لو ما قويته
الذل في وجهه عنيدٍ و قاسي


و إن طاعنى الخفّاق و إلاّ عصيته
ما خنت في يومٍ من الأيام باسي


لعل قلبٍ ما يثور إن نخيته
تصبح ركونه للمواجع كراسي


و إن مرّنى ليل الغرام و سريته
لاتحسبين إنّى مع الوقت ناسي


جرحٍ برا و إن ما برا ما نسيته
لو يمتلى من موية العذر كاسي


تدرين راسي للبشر ماحنيته
ولا إنتِ و لا غيرك .. يوطّون راسي

__________________

المبدع

السـ ع ـد

أشكرك ع القصيدة الرائعه التي تدل على ذائقتك الشعريه الجميله

وأنا من أشد المعجبين في شاعرية وشخصية الشاعر القدير ناصر القحطاني

صح الله لسانك ولسان الشاعر الكبير

دمت شعرآ

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

الله الله ..

قصيده في قمة الروعه وذااااااااائقه فذه توصل لمجلس عذب الكلام ..

سعد بيض الله وجهك يا ذيبان على هذا النقل الرائع والموفق ..

صح الله السانك والسان ناصر مدد بلا عدد ..

ماشاءالله تبارك الله ..

عيني عليك ابرد من الثلج ..

تقبل مروري ممكن..؟

صح لسانه

ارحب يابن جليد ..

شكرا على مرورك يا شعله الشبكه ..

تحياتي لك

__________________

ووجهك ابيض يابو ناصر ..

مرورك زاد الموضوع جملا يا مشرفنا الجميل ..

تحياتي لك

__________________

ارحب يابو رافع ..

شكرا على المرور

__________________

سعد الششواطي ارحب الله لايهينك ذووق رفيع وتصميم قوي لاهنت بارك الله فيك
وششاعرنا ناصر القحطاني خاصه حنا ياششمر نحبه ونقدره ونعزه ونفديه بارواحنا لاهنت ياسسسعد بارك االله فيك روعه



جرحٍ برا و إن ما برا ما نسيته
لو يمتلى من موية العذر كاسي


تدرين راسي للبشر ماحنيته
ولا إنتِ و لا غيرك .. يوطّون راسي

صح السان شاعر الاندلس
وسلمت يمناك على النقل يا سعد

اختيار موفق للقصيده الجزله

ولاهنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ارحب يا ناصر ..


شكرا على مرورك الجميل جعلني ما عدمك ..

تحياتي لك

__________________