لاواهنيك يالحوير هنياه **** يوم انت في شوقك لقيت البدايل..
السلام عليكم ورحمه الله وبركاته...
اعزائ...الحب الجارف لا تمحوه اثار السنين ويبقى متى بقي صاحبه واذا مات
هذا الحب فهو مات بموت صاحبه...اليكم
اعزائي هذه الرائعه من عيون الشعر النبطي
ماتت زوجته شالح ابن هدلان وزوجة الحوير بالجدري
واتفقا على اربع اعوام بدون زواج
وبعدما انقضت تزوج الحوير وبقي شالح دون زواج
وفي يوم من الأيام قابل شالح الحوير وسأله وش العلوم يالحوير
يقصدزواجه قال حالك وفالك
فتذكر زوجته اللي تزوج بعدها ((قيل ثلاث وطلقهن ))
وانشد....
لاواهنيك يالحوير هنياه **** يوم انت في شوقك لقيت البدايل
وانا وليفي ماحصلي حلاياه **** لو دوجوا بي في قفار وحايل
وليفي اللي كل ماجيت ابنساه **** دعوا سميه ذاهبين الحمايل
يفز قلبي كل ماوحيت طرياه **** فز المحبب من خشوم الفتايل
قلت أظهره يالقبر لين آتحلاه **** حال اللحد من دون سمر الجدايل
ياطول ماني في ذرا البيت وياه **** من بيننا ينثر جثيل الجدايل
قال انت شالح قلت له أيه اناأياه **** قال انقلع لاعاد عندي تخايل
مادام في شقراء دلال مراكاه **** ومادام فالحوطه غروس ظلايل
ومادامت الحضران للبر تذراه **** ومادامت البدوان تقنى الرحايل
كن الزباد الخلص داخل شفاياه **** من مبسم مايدهله كل سايل
وسلامتكم..
الحوير .. هو ظافر المشعلي القحطاني.. جد ناصر بن فيصل الحوير وهو ما سبق وان سئلت عنه طمعا بقصائده ومن لديه للشاعر ناصر الحوير ارجوكم لا تبخلوا على..دمتم با الود والاحترام..
اتمنى انهاا تحوز على اعجابكم أعزائي ولكم مني جزيل الشكر ...
12-09-2005, 09:12 AM
تعليمات المشاركة
العرض الشجري