[frame="10 80"][poem=font="Simplified Arabic,4,blue,bold,normal" bkcolor="teal" bkimage="backgrounds/17.gif" border="double,4,orange" type=0 line=0 align=center use=ex num="0,black"]
استبشري ياديرة العز والخير = اميرك الغالي شفى من جراحه
نايف بعون الله يجي دون تاخير = الطائر الميمون فارد جناحه
هني وغني واعلنيها تباشير = حياالله القادم وحيا رواحه
الله يجيره من صروف المقادير = سلمت ياوجه الرضاوالسماحه
سلامة اولاد الملوك المشاهير = جبال نجد العاليات الضياحه
لاغاب احدكم صارفي الجو تعكير =والاجتمعتوا في النفوس انشراحه
الله خلقكم زود من دون تقصير = والله حماكم بالوفا والصراحه
جبال ماتهتز وقت الاعاصير = ماحركتها عاتيات الرياحه
يالصادقين الواثقين المغاوير = مادرب يستعصي عليكم صلاحه
امرتقولوا صارلابد مايصير = لو سكرت بيبانها باللاواحه
قصيتوا الصلب القوي بالامناشير = محقيقين النصر في كل ساحه
معياركم فوق النسب والمعاير = فاق الموازين الثقال الرجاحه
من حبكم يلقى محبه وتقدير = يبشر بتوفيقه وقمه نجاحه
واللي يعاديكم تزيدوه تحقير = حتى يحس انه قريب مطاحه
تحتاجكم كل العرب ردع للغير = القدس شارون اللقيطه استباحه
داسوا فلسطين اليهود الخنازير = اللي يريدوا ياخذوها سفاحه
شارون هو نفسه نتنياوشامير = نفس البذور وطينها والفلاحه
جنين تسحقها سنون الجنازير = واهل المخيم يذبحوهم ذباحه
كن الطبر والمقصبه والجزازير = اتوا على اصوات البكاء والنياحه
والفحم والحداد والنار والكير = دخانها غطى السما والمساحه
والحق مايديره صياح الجماهير = والحرب شعوا والخساير فداحه
والكفر ينويها للاسلام تدمير = والغرب متغطرس بقوة سلاحه
وانتوا لها حكمه وحنكه وتفكير = واكثر درايه بالامور المتاحه
منظاركم ماهو بمثل المناظير = منظاركم ثاني بعيدا مراحه
لكم درايه كيف مسك الحناجير = والطاغي السفاح يكبح جماحه
تكدر العالم من الوضع تكدير = والمجرم اصور مستمر اجتياحه
اذا شكى المسلم بكى صاحب الدير = الوضع مزري مامع الناس راحه
وانتوا سندها كلما وقع الطير = وش حيله اصحاب العظام الشحاحه
حماكم الرحمن من كل تقصير = لكم سفنها والبحر والملاحه
ماغير كم يقطع بعيد المشاوير = حتى المحيط اجتاز طوله سباحه
استبشري ياديرة العز والخير = اميرك الغالي شفى من جراحه [/poem]


*·~-.¸¸,.-~*من شعر الشاعر علي محمد القحطاني *·~-.¸¸,.-~*[/frame]

صح لسان الشاعر

وتسلم يمينك على النقل0

__________________

مشكور




اخوي



ابو



س



ا



ل



م

__________________
« اللهم كما أحسنت خَلقي فحسن خُلقي »