[poem=font="Simplified Arabic,5,black,bold,normal" bkcolor="silver" bkimage="backgrounds/9.gif" border="solid,thick,gray" type=2 line=0 align=center use=ex num="0,black"]
البارحه ليلي هواجيس وهموم@
زادت عن الحد المقنن زيادة@
بأسبابها عيني جفت لذة النوم@
ومحارب خدي نعيم الوسادة@
صار السهر لي بدة الناس مقسوم@
وعند الأخير أصبح على العين عاده@
أمر من الله وأمرالإله محسوم@
ماينفع المخلوق كثر إجتهاده @
يقطعك دنيا كلها أوهام وحلوم@
يوم شقا واليوم الآخر سعادة@
وأليا بكيت اليوم مانيب مليوم@
ولالي على رد المقادير راده@
قلبي بكى شالح وهو قايد القوم@
القايد اللي يستحق القيادة@
القايد اللي في المهمات داهوم@
مايرتعش لاجا الملاقى فؤاده@
طيري غدا ومن أول يكسر الحوم@
وأنا أتحرى كل يوم هداده@
ياونت اللي كل ماقيل مرحوم@
تنزع معاليق الحشا من فؤاده@
أتلى العهد به فوقه القبر مردوم@
فوقه نثيل القبر مثل الحماده @
عساه في جنة عدن دايم الدوم@
ياخالق خلقه ومحصي عباده@
عسى السحاب اللي منشي له غيوم@
يمطر على قبره ويسقي بلاده@
يمطر على قبر سكن فيه شغموم@
يسقي ثرى قبره وينس براده@

هذه هي قصيده الشيخ : مناحي بن هدلان ......... في ابنه نايف رحمه ..
لم يمضي سوى خمس سنوات لتصعق العائله بوفاه اثنين من ابنائها ،،،،،،،،،
"تركي وذعار "
وسبق ان ذكرت القصيده ،،،،،،
اسال الله ان يبارك له في ابنائه الاخرين وان يعوضه خير منهم ......[/poem]