[poem=font="Simplified Arabic,6,black,bold,normal" bkcolor="transparent" bkimage="backgrounds/13.gif" border="double,medium,black" type=2 line=0 align=center use=ex num="0,black"]
ياراكب اللي لامشت تشرح البال = واسبق صناعات الفضى في فضاها
طيارة كن حسها صوت زلزال = إليا اقلعت واستعدلت في سماها
متوجهه برسالتي صوب رجال = في دولة يابعد والله مداها
تنصى عريب الجد والعم والخال = عوض غلامٍ عـ المراجل مشاها
ياللي طلبت العلم للعلم مدهال = عساك تسعد من يهمك رضاها
يابو حسين اوصيك ياطيّب الفال = احفظ صلاتك واطلب الله وراها
الدين يارجال مفتاح الاقفال = أبواب تفتح حظ عبد(ن) نصاها
وحافظ على سمعتك في كل الاحوال = سمعة قروم عالي(ن)مستواها
من لابتن صغيرهم مظرب امثال = فيهم وصات العود محد(ن)نساها
خاو الرجال اللي لها النعم ينقال = انفوسهم ماهي بتتبع هواها
احذر من اللي للردا دوم نقال = يبلشك في دعوى كثير(ن) غثاها
ترى الرجال انواع طيّب وبطال = والمرجله ماكل واحد خذاها
حنا حزامك مرخصين لك المال = والشاهد الله ماندور قضاها
من لاوقف في مثل هذي ردي حال = وش فايدة ربعٍ قليل(ن) وداها
هذي وصاتي جعل تبقى على البال = وانته من اللي للوصية شراها [/poem]

)

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]