هذه القصيدة لابن شافي امير بني هاجر مسندها لبن هادي أمير الجحادر

يستنصر بها على العجمان حيث تجمع بين بني هاجر وقحطان

حيث يقول فيها:




يا راكبن حمـرا بلونـه سحامـه
ترعى الزهر وين الشحم فوقها زام

فوقه صبـي مـا تغيـر كلامـه
يِدي الخبـر يـم الرفاقـه بَلَـوْلام

يا جـن تـرك الرثـا والحمامـه
إحمولنا مـن قبـل حِـلْ التِنـدام

صبيان قحطـان غشاهـم ملامـه
ويلها على صبيان جلـبٍ تلـم لام

حنا كمـا مايِـحْ ثمانيـن قامـه
هَيْما وفي جيلانهـا تسعـة هِيـام

ما يظهر الماء يِحْمي أقصى غمامه
خطـرٍ علـى جيلانهـا بتـهـدام

حنـا شـوي وحاميتنـا القرامـه
قطاعةٍ ننطـح ولـو كملـوا يـام

أرماحنا وسـط المدينـة علامـة
مع الصحابة حاربوا ذيـك الايـام




ثم رد عليه ابن هادي بقصيدة وهي رسالة تهديد ووعيد واعلان حرب على

العجمان ومنها هذه الابيات :




لي لابـةٍ حَدَّرتهـا مـن تهامـة
وسلاحها صنع الافرنجـي والاروام

الاروام: جــمــع رومـــــي

ولا بد من يـوم يثـور عسامـه
إما على العتبان واما علـى يـام

ويا ذا البهم والله إن تباري الجهامة
إلين تنزل بين صفـوى والاوجـام

صفوى والاوجام : مناطق في الاحساء

حنـا كمـا سيـلٍ يطـم العدامـة
حول على طاش البحر لـه تِلِطـام

العدامه: هو كثبـان رملـي مرتفـع.

هذا على عـودٍ وصلنـا سلامـه
اللـي غَثانـا بِالبكـا والتِّظـيـام




فلما سمع الشيخ راكان قصيدة ابن هادي ردَّ عليه بهذه الابيات ويقول فيها:




يـا راكـبٍ حـرٍ تـذرب سنامـه
نَيَّه جديدٍ فوق نَّيـه مـن العـام

ما صك لِحْيَه في ليالـي فِطامـه
ومدلهن يشرب لبن كـل مـرزام

إليـا ورد عـدٍ يِطَيِّـرْ حمـامـه
جاله صريمٍ مـن إلحِيَّـه تقصـام

الـعــد: هـــو بـئــر الــمــاء.

ملفاك ابن هادي كبيـر العمامـه
شيخٍ ورمحه مع أهل الخيل مرسام

مـرٍ يواعدنـا بحـرب وقوامـه
ومرٍ يجينا مـن هـرج وتسـلام

حي الكلام وحـي منهـو كلامـه
اللي لفانـا مـن هـرج التوهـام

وش الجزا يا شوق زاهي الوشامه
لِسَّابق إللي ما عرفنا لهـا أوقـام

أهديت لك نور السلف والجهامـه
باغيه ذخرٍ فـي مقابيـل الايـام

وغديت أنا ويـاك مثـل النعامـة
جاها بَلاها مـن ثقيـلات الاقـدام

إن كان تبغي سابقـك والسلامـه
خلوا ضعاينكم مع العتـش خـرام

العتش: شعيب في وادي العرمه جنوب الدهناء

حِرِّم عليك النـوط فكـت إبلامـه
ما دام حيٍ واحدٍ مـن ضنـا يـام

معنا الطويل اللي تجيكـم علامـه
مثل العِديم اللي على الجول صرام

الطويل : هو فـارس ال حبيـش المشهـور

الترك قبلك زارِنـا بـه زعامـه
قد عافنا وِعْتاض عنا اهل الشـام

الـتـرك : هــم الـدولـة العثمـانـيـة

وان كان تطري حِدْرتك بالجهامـه
لما توصل بك إلى ذيـك الارجـام

ذي ديرة حاكـم كبيـر العمامـه
إللي نحى عنهـا طوابيـر الاروام

قدامـك شيـخٍ رفيـعٍ مقـامـه
الخيل قِرَّح وأبيـض الخـد قـدام

وإن رادها غيره ضربنـا لثامـه
عـودٍ يبـدل هفـوتـه بتـنـدام

يالله عسى الفردوس ملقى إعظامه
اللي بعث دين النبي دين الاسـلام

مثل الدويش اللي يِقَدي الجهامـه
عِقرت جواده فوق رجله والاقـدام

وإن كان حَدَّر لابـةٍ مـن تهامـه
حنا لهم في مقطع الصلـب قـدام

الـصـلـب: هـــو وادي الـعـجـمـان

اقبل وحنـا لـك نسـوي كرامـه
شِلفٍ على قبٍ سريعـات ألـولام

شِلف: جمع شَلفه وهي أصغر مـن الرمـح

قـــب : هـــي صـفــة للـخـيـل

تسعين رمحٍ كسرت فـي عدامـه
عشرين مِنْهِن بين فوران وحـزام

كم ثار عند إركابنـا مـن كِتامـه
ياما هلك من ضدنا من سبب يـام

كم من حريـبٍ دارج الـدم دامـه
يشبع بها السرحان والطير لا حام

الـسـرحــان: لــقــب الــذيــب

حنا كمـا سيـلٍ تَناحـا غمامـه
حامل بَردهـا بالفرنجـي والاروام

سيله يقزي ما نحى مـن عدامـه
ورعودها منهـا المِدَلَـه تقصـام

وان كانكم سيـلٍ يِطْـم العدامـه
حنا زبارٍ يشرب السيـل لا عـام

وان كانكم ضلـع كبيـر حَجامـه
حنا كما نجمٍ على الضلـع هـدام

وان كانكم مثل الرعـد بِنْقِصامـه
فإن الرعد ينبت زبيـدي برضـام

كم سيف هنـديٍ فِظَخْنـا لِجامـه
بأيمانِنا كِنـه مقابيـس الاظـلام

نروي من إرقاب السِّكارا حَيامـه
في هيةٍ يشبـع بهـا كـل حـوام

الــهـــيـــة: الــــحــــرب

قطعا لعينٍ اللي عريـضٍ سَنامـه
شقحٍ مفاليهـا مباكيـر الاوسـام

وان كان وِدك عندنا لـك كرامـه
تدري بضيفتنا أهل الشرق والشام

أقبل علينا حي سـوق المسامـه
وعاداتنا نغلي جلـب كـل سـوام

حريبنـا تصبـح بكبـده نـدامـه
وبراية الله نجعلـه حـذو الاقـدام

نرجـي مهاشيـل تعـدى تهامـه
لا ساق كالله والقـدر ناحـرٍ يـام

وصلاة ربي عد منشـى غمامـه
على نبـيٍ خـص هالله بالاكـرام




فاراد الشيخ راكان ان يبعث برسالة فعلية الى ابن هادي قبل المعركة ليعرف

بها قوته فنادى بالعجمان فقال من اللي يشوف لي ابن هادي وربعه ورد لي

خبرهم فبرز من بين الصفوف واحد من شباب ال حبيش وعمره 15 سنة فجاء الى

قحطان ورأى بيوتهم مبنيه بين الدهناء والصلب متوجهين الى العجمان فسأل

الجنود وهم لا يدرون انه عجمي أين بيت ابن قرمله ( وهو محمد بن هادي )

فقالوا له بيت الشعر الذي يتوسط البيوت هناك فجاء الشاب فوقف على بيت ابن

هادي وركز الشلفه فوقعت بينه وبين نار الدلال رسالة تهديد الى ابن هادي

مفادها اني بمقدوري ان اقتلك وهرب الحبيشي ولكن لم يدركوه فايقن ابن هادي بقوة العجمان فرجع ادراجه الى ديرته ولم

يحارب العجمان

.................................................. ..............

وش رايكم يا قحطان في هذا الكلام الي كله كذب

و الادله على انها كذب

اولا ... (((وهم لا يدرون انه عجمي))) يعني ان الي من ال حبيش اتى عند قحطان و سط مساكنهم و خيامهم و هم لا يدرون انه عجمي فهل يعقل ان يدخل احد من بين قحطان و هم لا يعرفون من هو <<< وين يا الطيب فيه اجد ما يعرف الغريب من ابن عمه

ثانيا ...((( وهرب الحبيشي ولكن لم يدركوه ))) يعني ان الحبيشي هرب من خيمه بن هادي و مر من بين خيام و مساكن
قحطان و لحقوه فرسان قحطان و ما جابوه <<<< ما شاء الله و الله لونه راكب سياره
.................................................. .......

و القصه كلها ما تنهضم و باين ان للي كاتبها و رع

.................................................. ......

اترك لكم مجال التعليق


تحياتي بن ناشر الحبيشي اقصد بن ناشر الهاجري

الاخ ناصر

الله يرحم والديك

القصه معروفه عند اهل الجزيره العربيه ان ابن حثلين ذهب يشتكي ويريد المنع من ابن هادي عند ابن سعود وقال الامام اتركو رفيق ابن هادي واضمن لكم مايجيكم ابن هادي ؟

وكان الشيخ راكان ابن حثلين والشيخ جمل ابن لبده موجدين عند الامام وقالو ابيات شعر بعد الحوار الي صار

ابيات للشيخ جمل ابن لبده

والله لولا فيصل .. وامر الامام مطاع
......................... ان قد انشد وننزل .. بين الحساء وانطاع

يأأ .رجال وسع صدرك يا رجال ...منت خابر هيأأأأأأط محلفنا ...معروووووووفن منتداهم ..باااااان بين الاخرى ...بهياطهم

والسالفه ذي يعرفها الورع قدام الكبير ...

خلهم يهايطون يوسعون صدور بعض ههههههههههه ...

كلنا خابرين ... ذاك الليل الاقشر على ابن حثلين ...ههههه يوم ابن هأأدي بغا يجيب خبره ...والله ان ماعاد امسي ...وما وزبن عند ابن سعود ..يبغيهم يردون الجحادر ......ههههههههه

لا هنت يا بن دواس
و ابيات بن لبده خير دليل

لاهنت يا بن عمي

عز الله انك صادق

والله انه بغا يجيب خبرهم
لولا الله ثم فيصل بن تركي

الله لا تبلانا ثم يالله لا تبلانا ؟؟؟؟؟؟؟؟؟؟؟؟؟؟؟؟؟؟؟؟
ورع من ورعان العجمان رد الجحادر وش ذا الحبيشي الي رد صفوف قحطان وهو عفش توه ابو 15 سنة
اذا كانت جيوش الشريف لم تستطع رد قحطان وهي جيوش مكونه من الاتراك والمغاربه وقبائل الحجاز


يأتي ورع ويهدد قحطان وسط عقر دارهم والله المهايط يالعجمان

اذاكان شيخكم يقول لمحمد بن هادي *** ابيك ذخر لي في مقاديم الايام
وش معنى البيت يا عجمان يعني ابيك عون وسند معي لقوة قحطان

والقصة معروفة العجمان كفو ولكن لا يستطيعون مواجهة قحطان
اذا كانت العجمان وال مرة أعيتهم حرب الهواجر لوحدها وقتل من يام بأكملها مئات الفرسان فكيف لو
صفت قحطان على يام من غير قصور في يام فهم محلفنا لكن لن تستطيع الوقوف ضد قحطان
واكبر دليل توجة راكان بن حثلين الى الامام وطلب الصلح لا نه قال للامام ان حولت الجحادر مع الهواجر فترى الخطر
عظيم فاصلحنا مع بن هادي
والبيت المشهور لا بن هادي لابد من يوم يثور قتامة ************* ياما على المطران والا على يام

وكلام الجهال ما يضر يا بني عمي فعقال العجمان حكواء لنا القصة كما نعرفها نحن يا قحطان وما علينا من
ورع مخلوق أمس يهايط بالعلوم لا نه ما يدري وش الطبخة ***

__________________

وثيقة الصلح كانت معروضة في دارة الملك عبدالعزيز حتى كثر حولها الكلام وسحبت من المعرض هذا اولا

ثانيا رد ابن حثلين على ابن لبدة يوم قال

كذاب يافيصل مهوب لكم مطواع ......نتافة لحية مرشد والشيخ الاخر ضاع

وهوا يعني ابن لبدة وابن هادي من وراءة..................ماذا يعني!!!!!!!!!!!!!!!

يعني عدم ثقتة في التزام قحطان بالصلح وبأمر الامام وايقاف محدارهم نحوا قبيلتة لانة يعلم ان بن هادي

يريدها ذريعة من الاساس على العجمان وابن حثلين والتاريخ يشهد بأنة لاطاقة للعجمان بحرب

قحطان .........................................محلفنا والله وانعم فيهم ومالهم الا الله ثم محلف لاقدر الله صار شيء من الامور

كفى ووفى اخوي

دون قصور في الباقي

__________________

يا رجال ما غير الا ورعان يتفلسفون ...

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..