[poem=font="Arial,4,black,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]


لاغراني الهاجس على بدع لمثال = اختار عذباته واجنب ارخاصه
اغوص غباته من الجال للجال = والله عطاني كنز لوله وماصه
التجربه كنز من اجيال لجيال = وكلا على ماقال يعرف خلاصه
اصبر على الحاجه ولاتطلب انذال = لو كان لحقك في المعيشه خصاصه
الرزق عند امبدل احوال باحوال = ولاخاب مكروب على الله خلاصه
لاتنهزم لو كان ماعندك اريال = اوكسب النواميس اقتنصها اقناصه
والصاحب اللي لااعترضك اشهب اللال = تبعد منافيعه ويقرب محاصه
اقطع علاقاته وخله على جال = لاكذب البارود ويش الرصاصه
حتى ايش لوله منصب اوعنده اموال = الطيب مايوخذ بكرسي وماصه
واصبر على الجاهل لو ايقول ماقال = صبرك يبين للرجال انتقاصه[/poem]

__________________

للتـــــــــواصل

fmaf121@hotmail.com