[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]


إلى متى نصبر على مالا يطاق = وإلى متى والمسلمين مشتتين
وين أمة محمد عن إسم الإتفاق = هم مادروا بإن آخرتهم ميتين؟
غزه تلد العين في وضع العراق = وتقول أنا وياك صرنا ساحتين
يعبث بنا العابث ويحلاله مذاق = دمّ أبريانا وإنسكاب الدمعتين
كم طفل مات وكم مصاب وكم معاق = وكم بنت يطعن في شرفها الشامتين
يعني لو النايم بعد مانام فاق = يمديه يحصد من ثمار الشجرتين
لكن محبتنا لدرب الإختناق = تجعل ضعيف الحيل يخطو خطوتين
والعلم عند الله عن حدود النطاق = أهم شي إنا نعد الفايتين
أعداد تتزايد ونبقا في شقاق = والكل يتعزوا أنا ضلعي متين
كلام ومجامل وتصريف ونفاق = حتى تفاجأنا بهذي الصدمتين
ونبي نشارك في مزايين النياق = وفي شاعر المليون صارت رايتين
نسعى ورا الدنيا وصدر الكون ضاق = ونشاهد الواقع ونبقى صامتين
كأننا نخشى يواجهنا طراق = ونفكر إن الموت ياتي مرتين
فإن كان صح القول ياقرب الفراق = مادامنا عن وضع الأمه ساكتين[/poem]

وسلامتكم