يسرني ان اقدم لكم هذه المشاركه والتي ارجوا ان تحوز على رضاكم
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قال اللـذي جـزل المثايـل بانـي =من كـف يمنـى تجـزل القيفانـي
عديت فـي رجـم طويـل المبنـى= عله يخفـف مـن ثقيـل احزانـي
علـه ليامنـي رقـيـت العـالـي =انزل وانـا مـن حرتـي بردانـي
علـه ليامنـي لزمـتـه يسـمـع =الواحـد اللـي لا شريـك ثـانـي
الواحـد الفـرد الصمـد لاغيـره =ومن يشكي لغيره رجـع خسرانـي
المبصـر اللـي يبصـر المتخفـي=ومـدات جـوده تسبـق الأيمانـي
اشكي من اللي شاردٍ صدوفها=يوم تجـي هلكـا ويـوم سمانـي
يـوم تجـي للطيـب مـع بيبانـه =ويوم الردي لـه تشـرع البيبانـي
دنيـا تقلـب ماعرفـنـا ميلـهـا=حربا تجيب من الصـدوف الوانـي
ياكـم كريـم غلقـت فـي وجهـه=وامسـى عشـا لمسلـف وديانـي
يطلبه نـذل مـا عـرف للجيـره =نذل يرص مـن الذهـب وديانـي
نذل ليا من شـف ضيـف يزهـم=اقفـا وحكـم زلـجـة البيبـانـي
مهـب لا شافـه يفـل حجـاجـه=وقدم مـن اللـي يسـره رحمانـي
والله لو فـي يـدي لـه عصمـه=لقطع نسله ومـا يجـي لـه ثانـي
يالعنبـو مـن كـان هـذا طبعـه=جعله حشير فـي لظـى الحقرانـي
ما يعتلي من مـان مثـل الهامـل=وام الرخـم ماتقـرب الشيهـانـي
وفي ذا الزمن ماشفت انا لي صاحب=قـرم علـى الشـدات ماينسـانـي
قـرم ليامنـي نخيـتـه شـمـر=عـن ساعديـه وقـال لوتفـدانـي
يعجبك فـي وقـت تميـل الدنيـا=عمدك ليا مـن طاحـت العمدانـي
ما شفت غيـر الضاحـك المتبسـم=واقفـاك هـرج قطـع الامتانـي
يروغ روغه مثل روغ الحصنـي=حلـو اللسـان مخـادع خـوانـي
قد قالها قبلـي كـذا مـن شاعـر=في وصف منهو يوصف القومانـي
لا شافك وفـي يـدك لـه حاجـه=يفرش تحتك ورودهـا وريحانـي
ودايم تشوفه مـع كبيـر المخبـى=يتبـع ظلالـه لوعلـى ماكـانـي
يهين النفس من شان الدراهم=طبـعـه ذلـيـل يالله الغفـرانـي
يالله اني اعـوذ بـك مـن طبعـه=وعسى عل فعـل الجميـل معانـي
ومـا خـاب نفـاع كريـم خيـر=ومن يفعل العليـا جـزي بحسانـي
ومن عقبها من مرقبـي ابانـزل=وعسى السمين من القصيد اسلانـي
تمـت وصلـى الله علـى خيرنـا=محمـد اللـي سيـدنـا عدنـانـي [/poem]

زيد الشثري القحطاني