بسم الله الرحمن الرحيم

الحمد لله وكفى والصلاة والسلام على المصطفى

الإخوة الأفاضل

لي عندكم طلب ،،،

وهو إنكم ما تستعجلون في الحكم حتى تعرفوا اللي حصل كامل

والعلم جعلكم تسلمون هو إن حنا .........،،،

((( حـنــا ولا ديـرمـه ......!!!! ))) ما عليكم من ذي الجملة هذي من واحد فاضي ،

العلم سلمكم الله هو ـــ أنـنــا ــ معليش علشان ما أحد يتفلسف ويقول ــ حـنــا ولا مـشــاط ــ هاهاهاهه

العلم الله يسلمكم هو ــ أنّــا ــ هذا علشان ما يزعلون حقون اللغة العربية لأني ما أدري وش الصحيح ((( أنـنــا أو أنّــا ))) ، المهم .....

العلم يا مال السلامه هو : أقول شكلي طولت عليكم وغثيتكم ــ ولو إني مملوح يعني ما شاء الله علي ما أغث أحد ــ لكن تدرون خلاص ما يحتاج أكمل الآن ، أطرح الموضوع مرة ثانية في وقت أوسع.....




























هاه !!!!

كيف !!!!

آآآآه ،،، طيب ،طيب ...

أبشروا ما دام إنكم يعني إلى هالدرجة مشتاقين وملزمين ، أبعلمكم وش اللي صار

طول الله عماركم على الطاعة ،

إحنا نجتمع كل أسبوع عند الوالد أنا وإخواني وأولادنا والحمد لله على هالطريقة من مدة

كل أسبوع بعد صلاة الجمعه الإجتماع عند الوالد والوالده الله يطول في عمريهما وأعماركم على الطاعة

وجاء في بالي أسوي حركة حلوة نستفيد منها أنا وأغلى الناس عندي وهم الناس اللي أحبهم ((( أهلي وإخواني وأولادنا )))

فطلبت من الجميع ــ والوالد موجود ــ إنهم الأسبوع القادم ..... وكان مجرد إقتراح ،


















إنهم يحفظون تقريباً خمسة أسطر من سورة الكهف

وبحكم إنهم يحبوني و يعتبرون طلباتي أوامر ــ وهذا من حسن ذواتهم بصراحة ــ فوافق الجميع ورحبوا بالفكرة وأبدوا إستعدادهم

وتواعدنا الأسبوع القادم ، لكن تدرون وش اللي حصل الأسبوع القادم ،،،






















طبعاً هم بصراحة ما هم مستقيمين ــ يعني على قولة البعض ما هم مطاوعة ــ ولما حضروا بعد صلاة الجمعه

حصل اللي كنت متوقعه ، سمّع الجميع المقطع اللي إتفقنا عليه ولا أخذ من وقت إجتماعنا تقريباً ربع ساعة

وبعد ما سمّع الجميع كملنا سواليفنا و وناستنا وزدنا هالأسبوع على البر وصلة الرحم تلاوة القرآن

آآآآآآآآآآآآآآآآآآآآآآآآآآآآآآسف على الإطاله لكن يقول الرسول صلى الله عليه وسلم (( لا يؤمن أحدكم حتى يحب لأخيه ما يحب لنفسه ))

فحبيت لكم الأجر والسعادة

وتقبلوا جميعاً صدق مودتي

أخـــوكـــم ومـحـبـكـــم / جـــزل الـعـطـــايـــا