الســــــلام عليكم و رحمته الله وبركاته

هذه القصيه لــ الشـــــاعــر / محمد بن حمد بن فطيس المري
وهي من أروع القصـــــــائد التي أنا معجب بــها
فأحببت أن أكــتــبــهــا لكم

[grade="00008B FF6347 008000 4B0082"]

( غـــــزلـــيــــه )

[/grade]



يامؤمن الريفي أنا جيتك زبون
جيتك على مدح أكثر الناس وعنيت

جيت وتعالى الله عما يشركون
لو لاه يامؤمن لطبك ما أهتديت

راضي بحكم الله علي مهما يكون
عالج عيوني لو بعد طبك عميت

ودي أخاشر في البصر من يبصرون
وأشوف دربي لا سرحت ولا ضويت

ولاقنصت أثبت مع إللي يثبتون
وأشوف طيري كل ما اوميت ودعيت

ياكثر مايضرب خوي الطابرون
وياكثر ما تلسع مطبات وكليت

ودي أشوف إللي علي يعرضون
وبعض الليالي ودي أسري دون ليت

وأشوف ناس بالقفاء مايرحمون
أما وقفت لصاحبي والا مشيت

من دون نظاره ولا هم يحزنون
وياكثر ما كسرت كشنات وشريت

لكن يادكتور جعلك ماتهون
أبغيك كلمة راس دامك ما بديت

أسمع ولا ابغي إللي وزانك يسمعون
ربي كتب يكشف لك أسراري وجيت

صورة عديل الروح عندك تحت العيون
وأخاف تقطعها بموسك ما وعيت

ولا عليك أمر أطوها تحت الجفون
وعقبه لو تقطع عيوني ما شكيت

هي راس مالي والعرب ما يدركون
أني على باب الممات وما حكيت

ويا قو قلبي يوم قفلنا طعون
إللي على ذاك الموادع ما بكيت

ويا صبر صبري والعواذل يحسبون
أني دلهت من الهوى والا سليت

أسكت عساهم من سكاتي يسكتون
وأنا عن إللي في ضميري ما أنتهيت

و أدور الفرحه مع إللي يسهرون
تذكروي خذت فنجال و سريت

أخذت من وقتك يا دكتور العيون
عالج عيوني لو بعد طبك عميت

وأستر علي وإللي معك لا يفطنون
أنت الوحيد إللي بعد ربي دريت

وتقبلوا تحيات أخوكم / الشويعر :سعيد بن حسين الجهيمي