السلام عليكم ورحمة الله وبركاته


الأخوه الأعضاء أقدم لكم اليوم احد قصص فرسان قبيلة آل جرو


وهو الشيخ شتوي بن عبيدالله آل جرو عبيدة (وليد العرب)

كان في أحد الأيام قد حل مع قبيلة قحطان في الرويضة وكان وقتها بين
قبلية قحطان وعتيبة أمان ان لا يغزو احد الآخر وقت الربيع


وقد حل وقتها (وليد العرب) ضيفاً على الشيخ جهجاه بن حميد شيخ عتيبه
وكان في المجلس عدد من ابناء قبيلة قحطان وقبيلة عتيبه
ومن ضمنهم الاشيخ ناصر بن عقيل شيخ الدعاجين


فطلب حينها بن عقيل من الشيخ شتوي بن عبيد الله ان يبيعه فرسه

فرفض فكرر طلبه عليه ثلاث مرات
وكان شتوي بن عبيدالله يقول مالك ولا لها بيع

فرد عليه بن عقيل بقوله :

راجي من الله والرجى زين اغير عليكم واخذها قلاعه

فقام شتوي برمي عمامته في ضو بن جهجاه من الزعل
والتقطها احد الحضور من السحمه من قحطان من آل هجهوج

وقال شتوي : اسمعو ياعتيبه وياقحطان رجال تمناني والله اني لا اجيه على الفرس
وان احط عنانها من ورى رقبته

فقام بن جهجاه يتكلم على بن عقيل وقال له :
اطلع من مجلسي ولا تكلم على ضيوفي وتتوعدهم

فخرج بن عقيل وهو غاضب ويردد والله لا اغير على عبيده
واخذ ابل بن شفلوت والا فرس شتوي بن عبيد الله (وليد العرب) والا ابل آل غنيم من المسارده

فذهب لأبل بن غنيم وأغار عليهم وقتلوه المسارده

ويقول الشاعر الغربي من الفهر عبيدة

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
حي الطروش وحي علم لفوبه=حتيش لو يزرون الدعاجين وش عاد
ابن عقيل ناصر عيدو به =حطو حصاة العمـق للمشرك وساد
يستاهل اللي حط دغمه ركوبه = وامه تنوح وحرمته تلبس حداد
عيال مسرد حقهم قد غدوبه = والله علم بصقر وشداد[/poem]


وكان الشاعر يقصد بصقر آل الجرو من آل الصقر ومنهم الفارس شتوي وليد العرب
وشداد يقصد بهم الشفاليت وربعهم من بني شداد




هذه الراوية أخذتها من الشيخ
طرقان الهجهوج من السحمه قحطان


وجميع الحقوق محفوظة للكاتب
ولا يسمح بنقلها



اخوكم
عبدالمحسن بن مسفر الجرةي