إلى جميع الأخوان أرررررررررررحبوا تراحيب المطر
يسرني في هذا الموضوع أن اتحدث عن وقعة حصلت بين آل مسعود وسبيع .
قام مجموعة من فرسان قبيلة سبيع بأخذ أبل آل مسعود ومعها أبل لقصير ٍ لهم من الدواسر يقاله :
[ غصين ] وكان هذا الدوسري عاش أغلب حياته مع آل مسعود المهم إن السبعان قفوا بالابل والابل ما كان عندها إلا الرعيان المهم وصل الخبر لفرسان آل مسعود فانطلقوا وعلى راسهم الفارس سلطان بن عرار بن منيس بن عبود والفارس عايض بن فهيد الملقب [ بابن حركه ] المهم وصل العلم للدوسري غصين بن غنيه العلم إن ابله خذوها السبعان فقال : [ يردونها خيالة الشرفاء ] .
المهم طال وقت الطراد والكر والفر بين آل مسعود وسبيع من شراستهم وفروسيتهم حتى قتل أمير وقايد سبيع ذاك اليوم وتشتتوا السبعان وانسحبوا .
المهم إن آل مسعود ردوا ابلهم وأبل قصيرهم الدوسري وافتكوها من القوم المغيرين عليهم [ سبيع ] وبعد هذه الوقعة قال الشاعر غصين الدوسري هذي الاحديه وهو على ظهر الخيل يقول :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
غاروا علينا جردة السبعان = يبغون من ذودي صبوح
يانافدا اللي ردوا الذيدان = عند العشاير يرخصون الروح
احتدهم عند السهل سلطان = ارتدهم شوق الطموح
جاك ابن حركه كنه السرحان = وأميرهم في دقلهم مطروح [/poem]
[ سلطان ] المقصود منه الفارس سلطان بن عرار بن منيس بن عبود .
[ ابن حركه ] المقصود منه الفارس عايض بن فهيد بن عبود..

هذا وتقبلوا مني خالص الشكر والتقدير .

__________________