ياهجوسي مااشتري غير الذهب وإن عاش راسي****لرسم اللوحه على شكل الهـــــزيمه واتفـــكّر

لاتناسى وانت ذاكــــــر لاتذكـــــــر وانت ناسي****لا نسيته مايفيدك لو بعد مــــــده تـــــــــذكّر

يحسب انه يوم قفّى طــــار من عيني نعــــاسي****علموه الاّ عقب فرقاه قمت ارقد مبــــــــــكّر

لو رجعت تقول ظـــــالم معرفه والقلب قـــــاسي****قلت ويش اقسى من اللي راح ولعرفي تنكّر

المشاغب لويثير ازعاج ويطــــش الكـــــــراسي****آخر الفصلين يبكي غبن والجو يتعــــــــــكّر

واشهد ان اليوم صار نهاية العام الـــــــــدراسي****في النهايه طعم مر وفي البدايه طعم ســـكّر

كل باب(ن)منفتح في الوجه وثيابي مقـــــاسي****والردي ثوبه قصر والباب في وجهه تســـكّر

فعلت الخاين خيـــــانه ماتبرد في حمــــــاسي****الاّ والله علمتنا الحصني لاقام يتمــــــــــــــكّر

مجلس الحقــــــــــران من ينصاه تقديره يداسي****مثل من ينصى العدو ويحب راسه ويتشـــــكّر

وكل حق(ن)له مطالب ماغدى وإن عاش راسـي****لرسم اقواس الفرح بالعكس واظحك واتفــــكّر

__________________