[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
دعَتْني وجيت للموعد وكنت مْن الفـرح كالطيـر =
وجيت من العصر طاير مع ان الموعد المغـرب

وجتني بس مدري ليه شعرت الجيّة هذي غيـر =
وهي تقرب من عيوني شعرت ان الممات اقـرب

وقلت الله يهوّنها عسى فـي جيّتـك لـي خيـر=
انا من شفتك أقبلتي وانـا خايـف ومستغـرب

على كثر الحكي مـدري كأنّـه خانهـا التعبيـر =
وقالت لي جُمـل وأشيـاء لا تكتـب ولا تعـرب

هدت فجأة تطالعني وأنـا فـي حاجـة التفسيـر =
لجل نحكي بهدوء اكثر سألت: الحلوة وش تشرب

فصاحت بي انا احبك ولك فـي هالحشـا تقديـر=
وتدري ان المثل فينا وفـي احساسنـا يُضـرب

وكنت انت الوفي وانت البري من تهمة التقصير=
ولكن ذي عوايدهـم مـن ايـام وزمـن يثـرب

تكون البنت لابن العم ورغبـات الكبـار تصيـر =
وتدري الاقربون اولى .. مع انك للخفوق أقرب

وتدري للقـدر كلمـة.. لعـادات الأهـل تأثيـر =
لذا أرجوك تتركني وانـا مـن واقعـك باهـرب

شعرت بحكيها كنّـه قصـاص وامـر بالتعزيـر =
شعرت الدنيا ضاقت بي من المشرق ليا المغرب

مشت خلّت وراها طفل ما يـدرك وش التدبيـر =
يحسب ان الغرام أشعار شاعر واغنيـة مطـرب

ضحكت وماقدرت اني ألاقـي لضحكتـي تبريـر =
من اللي بوقتنا مرّه ضحك من لدغـة العقـرب

رفضت أستوعب اللي صار ولا استسلمت للتغيير =
ثمان سنين اجي نفس المكان بساعـة المغـرب

ورغم ان الثمان سنين جـرح وكلّفتنـي كثيـر =
أنا لليوم أجي وأدعي.. تجي يارب .. تجي يارب[/poem]

لاهنت 000 لاهنت000 لاهنت

اخوي وحش على هذه الرائعة

وننظر مشاركاتك الطيبة



تقبل تحيات=========== اخوك هاوي نجد

__________________
لا آله الا الله .. محمداً رسول الله

أخوي هاوي نجد .....
يشرفني مرورك واتمنى ان القصيده أعجبتك .
مع تحياتي ......

__________________

أشياء كثيره ما تخليني أنســـاك
وأعيشها وأطرد بقـــايا سرابـــك
لك ذكريات بــــــاقيه لو فقدنـــاك
صوتك وظحكاتك وكلمة هــــلا بك

صح لسانك اخوي وحش

شكرا لك على المشاركه

وننتظر مشاركاتك القادمه

__________________

يشرفني مرورك مراقبنا ...
والف تحيه لك

__________________

أشياء كثيره ما تخليني أنســـاك
وأعيشها وأطرد بقـــايا سرابـــك
لك ذكريات بــــــاقيه لو فقدنـــاك
صوتك وظحكاتك وكلمة هــــلا بك

ووووووووووووحش صح لسااااااااااااااااااانك صح لساااااااااااااااااك

قصيده قووووووووووووويه

__________________