أررررررررررررررررررحبو يا رجال ومساكم الله بالخير

في هذا الموضوع سوف أتكلم عن فارسين كبيرين من فرسان قبيلة قحطان وهم :
1) الفارس ذيب بن شالح بن حطاب بن هدلان الخنافر .
2) الفارس ذيب بن جعفر بن منيس بن عبود آل مسعود .

مما لاشك فيه أن الجميع يعرف فروسية وشجاعة وإقدام الفارسين ذيب بن شالح بن هدلان وذيب بن جعفر بن عبود وهم مثل نار ٍ على علم من شهرتهم وصيتهم بين القبايل .

# اللي جعلني أكتب هذا الموضوع هو اللبس الحاصل بين الناس حول هذين البيتين :
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياذيب أبا بوصيك لا تآكل الذيب =كم ليلة ٍ عشاك عقب المجاعه .
كم ليلة ٍ عشاك حرش العراقيب =وكم شيخ قوم ٍ كزته لك ذراعه .[/poem]
الدارج بين الناس أنها للشيخ شالح بن هدلان في ولده ذيب وهذا غير صحيح لأن الشيخ محمد الأحمد السديري في كتابه أبطال من الصحراء جعلها في ذيب بن شالح وهذا غير صحيح والصحيح أن هذين البيتين للشاعر راشد بن معديه آل قير الخنافر قالها في ذيب بن جعفر بن عبود بعد موته في منطقة ثميلان قرب بيشه .

وإليك عزيزي القارئ القصيدتين كاملتين .

# القصيده الأولى قالها الشيخ شالح بن هدلان في ولده الفارس ذيب بن شالح بعد موته :

[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
يا ربعنا ياللي على الفطر الشيب =عز الله إنه ضاع منكم وداعه .

رحتوا على الطوعات مثل العياسيب =وجيتوا وخليتوا لقلبي بضاعه .

خليتوا النادر بدار الأجانيب =وضاقت بي الآفاق عقب اتساعه.

تكدرن لي صافيات ا لمشاريب =وبالعون شفت الذل عقب الشجاعه .

كفّه بعدوانه شنيع المضاريب =ويسقى عدوّه بالوغى سم ساعه .

ويضحك ليا صكت عليه المغاليب =ويلكد على جمع العدو باندفاعه .

وبيته لجيرانه يشيّد على الطيب =وللضيف يبنى في طويل الرفاعه .

جرحي عطيب ولابقى لي مقاضيب =وافخت حبل الوصل عقب انقطاعه .

كني بعد فقده بحامي اللواهيب =وكني غريب الدار مالي جماعه .

من عقب ذيب الخيل عرج مهاليب =ياهل الرمك ماعاد فيهن طماعه .[/poem] # القصيده الثانيه للشاعر راشد بن معديه آل قير الخنافر قالها في الفارس ذيب بن جعفر بن عبود بعد موته في ثميلان قرب بيشه بسبب إصابة في رجله في أحد المغازي وتوفي بسببها يقول الشاعر :
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
رحنا من الماء في هوى شمخ النيب =وخلوا على العد المسمى بضاعه .

ياذيب أنا اوصيك لا تآكل الذيب =كم ليلة ٍ عشاك عقب ا لمجاعه .

كم ليلة ٍ عشاك حرش العراقيب =وكم شيخ قوم كزته لك ذراعه .

شف عايض ٍ ومعيض هم لك معازيب =وانا بشيرك بالعشا و الشباعه .

و عرار خيّال البكار الحنازيب =لا قل هوش مدرعين الجماعه .

وأولاد مسعود رماة ٍ معاطيب =ياويل من يعطونه الوجه ساعه .

خيّالة الشرفا حرار المراقيب =كم هجمة ٍ بايمانهم جت طماعه .

بارماحهم ينحون عنا الاجانيب =ولشيخهم يمشون سمع ٍ وطاعه .[/poem]
وهذا ولكم مني جزيل الشكر والتقدير .

أخوكم أبا الذموم

__________________