السلام عليكم ورحمة الله وبركاته
حبيت أقولكم قصة
ضحكت عليها واعجبتني وحبيت أنقلها لكم قصه حقيقيه عن


زواج بنت وبقول لكم عن قصه زواجها الغريبه المضحكه هذي البنت عندها خوات أكبر منها وأصغر منها وهي توها متخرجه من الثانوي المهم بالبيت ماعندهم خدامه كل يوم الدور على وحدة من البنات تطبخ وبعدين تطلع الزبالة عند الباب المهم جا دورهالبنت اللي أتكلم عنها كانت سهرانه مع اخواتها لين الساعة 2الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه.. وقامت وطلعت الزبالة عند الباب..المهم البنت قالت ليش أحطها عند الباب خليني أتشجع وأحطها بالزبالة أحسن..** وطلعت برا بالشارع وكان الشارع فاضي مرة وكانت الساعة حوالي ثلاث ونص المهـــــــــــــم

يوم جت تطلع ترمي الزبالة قفل باب بيتهم وقعدت المسكينه بالشارع...فكرت ترن الجرس خافت أبوها يهاوشها ويسوي ليها شي ( لأن أبوها شديد)... وهي بالشارع ماعليها إلا! بجامتها حق البيت ..المهم

سمعت أن فيه صوت يقرب منها .. صوت سيارة !! قامت مسكت الزبالة وقلبتها ودخلت داخلها المهــــــــــم كان اللي جاي ولد الجيران .. كان توه جاي من استراحة..المهــم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة !!

وأستغرب إن الزبالة مقلوبة قام وقرب من عندها... وجا ا بيرفع الزبالة ويا زينها

إلا صرخت وقالت : لالالالا.قال : بسم الله الرحمن الرحيم..أنتي إنس ولا جن

قالت: إنس .... قال: إنتي وش اللي جابك هنا ؟؟

وقالت له القصة وهي متغطيه بالزبالة وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب.. وقالها:ادخلي بسرعة لاحد يشوفك قامت مسكينة ماصدقت رمت الزبالة.. وطلعت كذا قدام ولد جيرانهم المهــــــم

دخلت وقفلت الباب على طووول...وولد الجيران واقف ماتحرك

يشوفها ويتمقل فيها ... المهم. مامر على هالسالفة يومين إلا جاا وخطبها

من أبوها وتزوجها والله قصة زواج غريبة وعلى فكرة

ترى هذي السالفه حقيقية وحصلت بالفعل

لايجي بكره اشوف كل واحد يقلّب زبالة على باله فيها بنت خاصة الشباب العزابية ==>

وان شاالله يا ربي استانستوا من موضوعي وما أكون ثقلت عليكم

ياالله اشوفكم على خيير في مواضيعكم الحلــوه
وشكـــرا على مروركــم مقدما...





اخوكم
ذيابة قحطان

والله أكيد شاف شي يستاهل
مشكور يا ذيابه قحطان
والله قصة حلوة ورائعة
يعطيك العافيه

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

سلمت على القصة يا ذيبان


انا قد سمعتها قبل وهذا يدل انك صادق




شكرا لك

قصة جميلة وراااائعة ياذيابة قحطان
وصدقني اللي تزوجها باين عليه مطلق لأنه شافها بنت رجال ليست من النساء الأخريات وطبعاً وجد من الجمال قد يكون وقد يكون عفيف البصر
لافض فوك وسلمت يمناك وبيض الله وجه الجار

__________________

شكراً على المشاركة وعلى القصة ياذيابة قحطان
ويستاهل عجبته وحطب عزالله أنه رجال ، مهو مثل الشباب التعبان في هذا الزمن من غزل ونحو ذلك

هههههههههههههههههههههههههههه
سلمت يالغالي


لالالالاهنت


قصه جميله ومضحكه


جعلك ساااااااااالم

وادي الغلا : شااكر مرورك الكريم على الموضوع

الذيب الأشيب : يعطيك العافيه على ردك .

ابن رشد الصغير : سلم غاليك ، ووجهك ابيض

ضفاف : الشكوى لله وانا اخوك على شباب هاليومين ، ويعطيك العافيه

وحيد الجنوبيه : الله يسلمك ومشكوووور على مرورك الكريم .


يعطيييكم الف عافيه والله ما قصؤتوا بصراحه تشجعون الواحد انه يدج في ذا المواقع ويجيب الجديد

واقول عسى عسى ان الموضوع ما يطلع مكرر


اخوكم
ذيابة قحطان

اخوي الغالي ذيابة قحطان

هذه القصة سمعت عنها وهي بالفعل حقيقية كما قلت
سبحان الله رزق هذه البنت ان تتزوج من ابن الجيران

بصراحة قصة رائعة بالفعل

وتسلم يالغالي

__________________
« اللهم كما أحسنت خَلقي فحسن خُلقي »