[poet font="Arial,5,black,normal,normal" bkcolor="transparent" bkimage="backgrounds/8.gif" border="groove,5,gray" type=2 line=200% align=center use=ex length=0 char="" num="0,black" filter=""]
مل قلب هزه الهم والهــــــــاجوس هـــــز
-
مل قلب هزه الهم والهــــــــاجوس هـــــز = وارتجف عرشه وزلزل وجا فيه اهتزاز
عقب ثلثين من الليل فز القــــــلب فـــــــز = مثل فزة واحد واطي كسرة قزاز
كن بأقصى ضامري ياجمـــاعه نار قـــز = والضلوع يلوعها مثل ضو البوتقاز
وكن فــوادي من عـراويه بأمواس يحـــز = من همومي والهواجيس في صدري حزاز
عقب ذا يـــاراكب اللي على الغـــايه برز = جمس شكمانين توه جديد آخر طراز
يعجب الســـواق لي ما عطـــا حزم الجرز = وأن تحرك يقرب البعد ويشق الغراز
من ديار البــعد قلب العــنا صـــابه قـلـــز = ومن ديار البعد عز الله ان القلب جاز
الغدا لي ســـــــــهل الله بدايات المــــلـــز = ثم يشيك من محطات موقفة الحجاز
وغادر الديره مع العصر يوم انه جهــــــز = وأنتله مرفوع بالوصف كنه أريل جهاز
والعشا حول الســليل مع المغرب نجــــز = حايفه غمر شقردي وعادته النجاز
ثم تحرك والدريول يــلــز الرجــــل لـــــز = طول ليله راح كله مساقط واجتياز
والونيت يشـجــع اللـــــي يحبـــون اللزز = لو يقحص ويل طلع من القاع ارتواز
كنه السكران لي غزه الشــــيطان غــــز = عقب ماأفلا غرشتين وطاب له الخناز
ينطنخ ويشوش ومن المخــاطر ما يكــــز = شايف بعض العرب كنهم عنده عفاز
لا أشرقت شمس الضحى لي الونيت بكل عز = واقف في وسط ديرة بني عم عزاز
-
حمد هادي المسردي رحمه الله
-
[/poet]

رحم الله الشاعر حمد بن هادي المسردي وأموات المسلمين حقيقة كان شاعر حكمه وغزل ومحاوره وشاعر له صفحة في تاريخ الشعر النبطي ولاننسى قصيدته الموجهه إلى الشاعر / مهدي بن عشيمان الحبابي بعنوان الطائره حيث رد عليه الشاعر بن عشيمان بقصيدة السفينه حيث علق عليها كثير من الشعراء بأنها القصيده المعجزه.

قصيده لحمد بن هادي المسردي رحمه الله في الجمس مطلعها


راكب اللي يقرب البعد لمنه زما جمس شكمانين توه من أمريكـــا ورد
كن حس بلوفه مناقشة حزب علما يدرسون محاضرات في جلسات جدد

أرجو ممن هي عنده إكمالها.