ابو ناصر شكرا على المعلومة

انا في النيبال مشيت من لولكلا الى كالاباثار ذهاب واياب مسافة 130 كيلو في 13 يوم في جبال وثلوج لعدم وجود طريق ...

اكيد يابو عصام ورى الرحله حاجه غريبه تبي تكتشفها لكن الله لايعذبنا

ماخبرنا عندهم زين زي مايقول

ماخبرنا في الشياطين رحماني ------ كبف جالك يشلي صوبهم نيه

لو اخذ ابن جارالله له ذلول وحط عليها كل مايحتاج كانت الرحله بمعنى رحله ويش فايده امشي على رجلي والجمس الملكي يدرج وراي

غرزت سيارتي مره وانا شرق خط القصيم الرياض بعشرين ك وابعد عن الرياض 100 ك واستحال خروج السياره وكان حولي سوداني راعي ابل ودعيته وجاني قلت فيه احد هنا قريب عنده سياره يسحب سيارتي فقال مافيه الا مخيم للامير محمد بن سلمان على مسافه 5 ك فقلت اعطني الذلول اروح عليها للمخيم ادور من يخرجني فضحك وقال تعرف تركب الابل فاظهرت له الخوف والتردد لعله يعطيني الذلول اذا ظن اني لن اقدر ركوبها وفعلا نزل وناوشني الخطام وكانت الذلول حمراء من اجود الهجن ويوم ركبت جلدتها على الفخذ بالعقال فانطلقت ووجهتها للمخيم فتبعتني الابل وجلس السوداني يصيح بدون فائده وصلت المخيم خلال ربع ساعه ولم اجد الا عمال ورجعت وحصلت الابل في نصف الطريق فعادت وراي ومن حسن الحظ وجدت سيارتي قد قام احد اصحاب الابل باخراجها وذهب قبل ان اصل اما الزول فبغا يضربني من الزعل

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

طيب ان ليه نزلت عن الخط للتغاريز ... ماخبرنا في الشياطين رحماني

بس الحمد لله ان الرجال فزع لك ...

يا بو ناصر 5 كيلو بسيطة تقدر تدقها كعابي بس مشكلتك الكرش


اما ذيك الرحلة يا بو ناصر عذاب ... احط قارورة الماء في جيبي وربع ساعة وهي ثلج

http://www.qahtaan.com/vb/showthread...ight=%D1%CD%E1

عليك به يابو عصام

ترى ابو ناصر ما احد يقواه

الحقيقه يابو عصام ذلك اليوم الي طلعت فيه من عام 28 رقدت الى الساعه 11 وقمت وافطرت وتقهويت شبعان نوم وصبحني ابليس الله يخزيه قال عندي لك مشروع ليه ماتطلع تدور لك على ارض فضاء بعيده من الرياض وتحاول تمتلكها بوضع اليد قلت تم على الرغم ان واحد من الجماعه قال لي لو تاخذ لك في يدك شويت رمل وتهرب بها خارج المملكه جابوك بالانتربول لين تردها مكانها لكن مااقتنعت ماصدقته

المهم شغلت الجمس الحوض وطلعت وبعد ماتعديت ساسكو الي على طريق القصيم الي بين الخطين حصلت بعده كبري جمال ولفيت معه يمين ومشيت لين غرست وجاني راعي الابل هذا وبعد ماطلعت دورت وليني بهذا الروض ماشاء الله تبارك الله يكثر فيه نبات الحرمل والعشر وقفت وتفرجت فيه ونزلت العزبه وركبت القهوه وخليتها تنجح وتمشيت في الروض الا وانا اشوف زي العقم وقربت منه الا وهو عقم زايلته البديه من وقت بعيد وامد الا والله فيه كومه مخلفات بنا قريبه مني واروح لها الا الله يجيركم الا وهو بيت مسلح كبير مهدوم على فرشه واثاثه ماصدقت اطالع يمين يسار الا وفيه زبير قريب مني وعنده كسار بلك واهرول لين جيته الاوهو بير ارتواز معى بركتها مهدومه ومكسره مواسيرها وملعوب فيها

عودت على قهوتي الا قد خلص الماء واحترق البراد وعشي جعله مايجيك هذا الي نزلني من الخط

الحقيقه فتحت الرابط والنت عندي اليوم بطيء ماانفتح لي الاصوره المطار بارجع ثانيه واشوفه الحقيقه عذاب ماحصلت لي هناك ارض وضع يد

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم