قصيده للشاعر شريان بن ذيب بن فالح بن شريان ال عليان وفيها مدح لقبيلته ال عليان وال الجمل والجحادر وقحطان وقد أنتشرت كثيرا في مقاطع في الجوالات وأحببنا تثبيتها في هذه الشبكة الجميله

يا سلام الله ســلام وتحيــــه *** عـد ما هلت مـزون الخــيــــال

عد ما هلت مــزون الرفيـــــه ***عد ما هبت هبــوب الشــمــال

الرجــال الي لهــا مقدريـــــه *** الرجــال الي تعــز الرجــــــــال

لابتي والنعم في كــل هيــه *** تكسب الناموس لجاء المجـال

ال صا لح تـرد حوض المنـيــه ***ماتهاب المـــوت لجاء القتـــــال

خمسة من لابتي عـــد ميــه ***من حــدى الشيبان والا العيال

وان نخينا ال الجمل فجملـيه***نرتكــي للحمل مثل الجمــــــال

جمعنا لجـــــاء نهار الحمــيه *** مثل ضلع طويـــق بين الجبـــال

وأن حصل بين الجحادر حميه***جاك ضرب سيوفـــها والســـلال

والجحادر في الحروب القويـه***نـــار حـــرب ولعـــــت بأشتعـــال

والقبائل مالــها مسفهيـــــه ***ما عليهــــا زود في كــل حـــــال


أمل أن تحوز على رضاكم وأعجابكم ,,,,,,,,,,,,,,,

إهداء للأخ العزيز / سعد القحطاني

المشاركة الأصلية كتبت بواسطة ابن ضبيب بيض الله وجهك على القصيده والشاعر شريان غني عن التعريف

المشاركة الأصلية كتبت بواسطة أبو عساف شارب الفناجيل بيض الله وجهك على ايراد هذه القصيده وصح لسان ابن شريان ونعم في آل عليان وال جمل والجحادر وقحطان دائما مميز ولاتبخل علينا بالجديد تحياتي وتقديري لك

المشاركة الأصلية كتبت بواسطة ابو ناصر العاطفي صح لسان الشاعر ولا هنت على النقل

المشاركة الأصلية كتبت بواسطة فيصل الهاجري بيض الله وجهك على القصيده والشاعر شريان غني عن التعريف وتقبل مروري