إهداء الى والدي الله يعطية الصحة والعافية والى كل اب

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من قبل اهزّ القوافي قلت بسم الله=بسم الله اللي رفـع سبـع ٍ وعلاّهـا

الخالق اللي عسانا نوقف بظلّه = في يوم تسعى النفـوس لظـل مولاهـا

ومن بعد ذكر السلام القاف باشلـه= وابنـي بيـوتٍ واثبتهـا بمعناهـا

واسري مع قافي اللي قد هجر خله=اجمع حـروف القصايـد واتبناهـا

وان هاضني من سواليف الدهر عله = جات القوافي تقول ان الخبر جاها

جات القوافي وهي يابوي مفتله = يقدح لهبهـا وتحـرك مـن توطاهـا

تفزع وهي سيفي اضرب فيه واسله= وامدح رجال المواقـف واتحفاهـا

يابوي منك الخبر والعلم لك كله= قد هيضتنـي عصـاك اللـي توقاهـا

قد كنت يابوي تطوي الدرب وتفله = في درب الجواد ممساها ومسراهـا

وقفت وقفة شموخ ومابها ذله= وقفـت ليـن استـوى ماهـا ومجراهـا

ثبتها مثل نجم سهيل في حله = وضحيت باللـي ملكتـه لجـل ترعاهـا

وما كل رجل يبي علم وياصل له= الا انت, جتك المكارم وانت شرواها

لانك كريم ولا لك في الطمع مله = ياطيب نفسـك ويامحسـن نواياهـا

علمتنا نحتمي بالدين وندلـه = والنفـس حـق ٍ علينـا حسـن مثواهـا

وعلمتنا نارد من العلم ونهله = حتـى رفعنـا المناصـب يـوم جيناهـا

ووصيتنا نقدر ابن العـم ونجلـه= درع ٍ الـى بينـت بقعـاء ثناياهـا

ووصيتنا نكرم العاني ونجزل له = ونقول يابيـض غنـي لـه بعلياهـا

يستاهل الطيب والمعروف يفعـل لـه= شيمـة قبايـل نبينهـا ونلقاهـا

واللي علومه علوم مـدور الفلـه = والمقديـه لعرفهـا قـام واخطاهـا

فقل له وانا العنبسي لا تحشمه قل له= ان المراجل من اقصاها ورثناهـا

وربعي وقود الحرايب ياهل المله= وحنا العروبه من اقصاها الى اقصاها

وحنا هل الدين واهل السيف والدله=وامجادنـا لـو بغيناهـا حسبناهـا

وصلوا على احمد نبي بين المله= والنفس ماترجـي الا عفـو مولاهـا[/poem]

__________________

كل التحايا
عبدالرحمن آل قطر

بيــــــــــــض الله وجـــــــهــــــــك وصح لســــــــــــــانك
اقولها والله ماهي مجامله ولا محاباه
ونعم والله بشـــــــــــايب خلــــــــف شرواك
ولا تحرمنا من القديم والجديد

صح لسااااااااااااااااانك

اخوي الغالي

عبد الرحمن


لاهنت يالغالي

__________________
« اللهم كما أحسنت خَلقي فحسن خُلقي »

صح والله لسانك ياعبدالرحمن


وافي



والله يبيض وجهك



ولقد تم تنسيق القصيده من قبلنا



ولك سلامي


المهداني

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ارحب يا عبد الرحمن

وصح السانك ملاين

وانا متابع لك في النداوي والحين في مجالس قحطان

لا تحرمنا من جديدك يا القرم

اخوي سليمان
وجهك ابيض ولا عليك زود

شرفني مرورك
واسعدني ردك

ولك كل الشكر

__________________

كل التحايا
عبدالرحمن آل قطر

صح لسانك ولاهنت....

__________________
لولا المواقف ماعرفـت الرجاجيـل
ولا عرفت ان ا لمواقف لها رجـال

انا اشهد ان به ناس وقت البهاذيـل
لاحل وقت الجد يطرى على البـال


بعض الرجال كبـار وماكـل رجـال ٍ يمـد الفناجـيـل
يعرف سلوم المرجلة في كل الاحوال لكـن مهابيـل
المرجلة ماهيـب بالكبـر والمـال

وبعض الرجال اجسام لكن تماثيـل
جسم ٍ كبير وداخلـه قلـب تمثـال

يملى عيونك بالشكـل كنّـه الفيـل
ولا جد وقت الجد كذّبـت الاشكـال

ماينفعك وقـت الشدايـد بتحصيـل
ياليت تسلم من هروجـه والاقـوال

صح لسااااااااااااااااااانك
يا الوااااااااااااااااافي
والله يعطي شابيك العافيه والصحه
ونا أشهد أنه وصى قصر




أخوك / أبن الوحش

__________________

صح الله لسانك

ولاهنت ياطويل العمر

قصيده رائعه جدا

صح بدنك يا فتى الجوه

تسلم على المرور والتعقيب ...
دمت بكل ود

كل التحايا
اخوك ابو حسين

__________________

كل التحايا
عبدالرحمن آل قطر