[poem=font="Arial,5,black,bold,normal" bkcolor="blue" bkimage="backgrounds/13.gif" border="double,5,gray" type=0 line=0 align=center use=ex num=",black""]

للنشامى حضور وللمشاعر حضور = وللقصايد بعض الاحيان حزاتها

يوم جالي مع اهل الشعر والشور دور = ووثقت بي ربوعي من حسن ذاتها

ياقصيدي تراك اليوم منت معذور = وكل درة من اعماق البحر هاتها

ننحت من المعاني في صفاة الصخور = لين تبقى علاماتهاو سماتها

ياسلامي على يمنى تصب العطور = فوق ظهر الكفوف ووسط راحاتها

ياسلامي على اللي لاوعد مايبور = وله يمين تجملنا بمداتها

دون ربعه يدوس المال دوس القشور = يوم بعض العرب تكنز ريالاتها

تجمع المال جمع الحمرة للبذور = وتنفق الضحك وتغدر ابتساماتها

جعل من جاب طارق في نعيم وحور = بين جناتها وبين جناتها

دام مثله معانا ماعلينا قصور = والنفوس الكرام تبين فزعاتها

والمراجل تسجل والليالي تدور = وتحفظ الناس سيتها وحسناتها

وياسلامي على ربعي حزام الظهور = لابة في اللزوم تبين وقفاتها

ربعي اولاد سالم من قديم العصور = يرتجى خيرها وتهاب صملاتها

يوم الانفس تزاحم في نحور الصدور = هم علاج الرقاب الخضر وافاتها

خل عاد الامور اليوم أمن وسرور = في ذرا هذي الدولة وساداتها

سجلوا عن ولاناء بالدماء في السطور = بيعة ماتغير في علاماتها

حن ولانا لعبدالله طويل الشبور = ابن من وحد الدوله من شتاتها

وسيدي نايف اللي معضلات الامور = يرتكي دونها ويحل عقداتها



[/poem]