[poem=font="Simplified Arabic,7,black,normal,normal" bkcolor="skyblue" bkimage="" border="double,9,royalblue" type=2 line=0 align=center use=ex num="0,black""]
يا زياد انا يابوك سقت الطواريق=سوق المطابع في حروف المجله
عندي الجواهر كنزنا بالصناديق=ميراثنا ماغير قلبي يصل له
اصوغها بأخلاص لقدرك تليق=ممزوجتن ما بين عنبر وفله
نصف الكرامه نار حدر الأباريق=ولدلة الرسلان هيلن نزله
والنصف الأخر من كباش معاليق=واجب على الرجال يعمر محله
مالي على الطيب رقابه وتحقيق= بحمولها تمشي بدقه وجله
وأصد عن علم الردي دون تدقيق=لو لازمه فعل الخطا وسط ظله
واللي يبا بين الأجواد تفريق= جعله مرض شارون يبطي يسله
دام الحديا والقنافذ عشاشيق=يفرش لها صدره تغير وتشله
لله حكمه بالغه فالمخاليق=مع كل جني له رمادن يحله
واقبل تحياتي ودعوه بتوفيق= دام القصايد في عمار الأهله[/poem]

__________________

ابوزياد فايف ستار يالشلي
الله يبارك في زياااد امين يالولي
تحياااتي القصيدة راقت لي

ارحب يالقرم

ابطيت علينا لكن جبت الدرر ياوجه عبيده

صح لسانك وبيض الله وجهك

والله يبارك في زياد ويتربى في عزك على المرجله والعلم

الغانم

قصيده كفو وراعيها كفو

انت ياناصر تعرف رأيي فيك ولا زلت أراهن عليك

والمستقبل قدامك

لاتحرمنا جديدك


سلملي على أهل طريب


تقبل ودي وتقديري

__________________

ارحب يابوزياداارحب


صح لسانك على القصيده الرائعة



عندي ملاحظة

عندك خطا مطبعي والعجلة شينه ههههه

وقد صارت لي كثير لست وحدك يابن العم


وهي

والـــلـــي يـــبـــا بـــيـــن الأجـــــــواد تــفــريـــق


واجزم انك نسيت حرف من

واللي يبا من بين الاجواد تفريق

لله درك ياشاعر طريب

ارحب يابو محمد

شكرآ لهذا المرور والأشاده الغاليه

__________________

ارحب يابوعساف

ولا عيك زود جعلك سالم


ولايبطي بالسيل الا كبره

ورايك من اول وذلحين خير من يشجعني

ويحيي موهبتي فشكراً من القلب

ويوصل سلامك يالغالي

__________________

أرحب يالردار


ملاحضه محل تقديري

وانت تخبر انشغالات الأجازه عن مراجعة النصوص


تحياتي

__________________

تحياتي يابو بندر

__________________

قصيدة كفو من شاعر كفو

إلى الأمام وبالتوفيق يا أبو حسين

تحياتي لك