مشكور اخوي صقر القحاطين

وهذا ايجاز زياده على اللي كتبته

واشكر اخوي صقر القحاطين على النبذه الجميله

وازيد انه محمد اول ما جا عند ابوه وعرفه بنفسه ... قال له الابو رح سلم على جدتك

المهم راح وسلم عليه وشاف العبيد يودون الحليب لبيت الشيخ وش كثره .. وجابوا ماعون واحد لجدته ... فقال هذا وشهو ... قالت له جدته .. هذا من حلال ابوك .. قال وانتي مالتس حلال ... قالت حلالي وحلاله واحد .... اصبح الصبح وراح للبل وعزل نصها له ولجدته ... وجاوا العبيد يبون يجمعونها وضربهم وراحوا يشتكون عند ابوه

ويوم درا ابوه قال : يالله طيره يالله .. خلوه لحد يقوله شيء


اما ابوه فله من الاخبار اللي دونتها الكتب وله من الاخبار مالم تدونه الكتب .... ومنها انه حارب الشريف وكسره وهو معه ربع قليل ... وكانت النجده جايتهم في الطريق ... وجمع الشريف جيش كثير وراح للطايف يستعد لحرب هادي ... فيوم درى هادي بن قرمله ... قال انروح نحارب الشريف قبل لايحاربنا ... النجده بتبطي علينا .... وكان ابن قرمله راعي دين .... وكان الشريف يحذر ربعه في ذيك المعركه .... ويقول ان كان قايدهم ابن قرمله فهجوا .. تراه مهوب طلاب دنيا .......

المهم يخبرنا الراة انه خطب ابن قرمله خطبه دينيه في ربعه قبل المعركه وحمسهم .... وفي النهايه انتصر في الحرب عى الشريف في الطايف


واللي عنده زياده لايبخل ... وانا متى ماحصلت فرصه كتبت اللي اعرفه

إبن الأروق

هل من مزيد من اخبار حكام نجد


ادري ماراح تقصرون