[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
يالله يامنشـي صـدوق المخاييـل=ياعالـمٍ سـر العبـاد وجهرهـا
تنشي على شبه الجزيره هماليـل=وتشمل مرابعهـا بكامـل ديرهـا
وتعزني يامنزل الوحـي جبريـل=لامـن وقفـت بوقفـةٍ افتخرهـا
وانا علي اميح من شاطـئ النيـل=واسقي بنات الفكر صافي دررهـا
واسخر من جزال المعاني تماثيـل=واليا طرت لـي فكـرةٍ ابتكرهـا
والموقف اكبر من لحون المواويل=واكبر من جبال السراه وصخرها
في مدح ابومتعب زعيم الرجاجيل=حـرٍ تعـلا النايفـات وكبـرهـا
مليكنا اللي لـه معـزه وتبجيـل=واللي ملك حبه مشاعـر بشرهـا
هذا الكلام الصدق ماهـو تتاويـل=محبةٍ يعلـم بهـا اللـي سخرهـا
نفنى وحبه ورث جيل بعـد جيـل=حتى تساق الناس لارض محشرها
تاريخه مخلـد ولايمكـن يزيـل=وامجاده يفاخر بها مـن ذكرهـا
حكيم ومحنـك وحـازم وحلحيـل=وافعاله تهيب العداء من سطرهـا
ومده كما غيثٍ سقا الارض بالسيل=الين تنبـت كـل قـاعٍ زهرهـا
يعطي ويدبل في عطايـاه تدبيـل=واكبر دليل بنـوده اللـي ومرهـا
ياخادم البيتيـن نغليـك بالحيـل=احدٍ يلوم العين لاغلـت نظرهـا
في غيبتك من حزننا نسهر الليـل=ونطلب لك الوالي يصفي كدرهـا
وكلاً بعد ماجيت سـاق الهلاهيـل=حتى الحمام الساجعه في شجرهـا
والشعب من دونك بحدب المصاقيل=عقـب غـلامٍ قادتـه مانصرهـا
ويامٍ حزامك لاحصل فالدهر ميـل=لان حن مقابيس الحروب وخطرها [/poem]

صح لسانك يافلاح وبيض الله وجهك، قصيده رائعه جدا
والله يديم الدوله ويحفظ لنا ابو متعب

ارحب يافلاح الشدقاء

وصح لسانك وبيض الله وجهك

قصيده وافيه وانت وافي وعلمك غانم

وأبو متعب يستاهل كل خير جعل أيامه سنين

ننتظر جديدك

تحياتي وتقديري

__________________

صح بدنك يابو محمد وجهك ما يلام

والرائع حضورك وتواجدك هنا

والله يسمع دعائك بأن يحفظ الله ابو متعب

البقاء يابو عساف وصح بدنك

والوفاء منك وإليك والجزاله تواجدك العطر