أهدى شاعر الأندلس الشاعر الكبير / ناصر القحطاني قيادة وشعب ومحبي مملكة البحرين رائعته الجديدة

(سلام السعوديين) وقد ألقاها شاعر الأندلس
في أمسية " خليجنا واحد " بمملكة البحرين في
الأسبوع المنصرم بحضور شعبي ورسمي ودبلوماسي كبير وقد نالت
القصيدة استحسان وإعجاب الحاضرين





ســلام السعوديين

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

سلامي على بحرينكم يا هل البحرين =على شوفة الاحباب ما فيه تأخيره

سلامي على اللي حط منزالكم في العين =وحث الخطى للمجد من حسن تفكيره

حمد جارنا اللي طلته في القسا واللين =تساوت بوجهٍ ما عرف يوم تكشيره

رسالة غلا مختومه بنخله وسيفين =حملها السلام اللي دريتوا باساريره

سلام السعوديه .. سلام السعوديين =هل الطيب والنخوه والاخلاص والغيره

يسلم عليكم شيخنا خادم البيتين =ابو متعب حزام السعد طيب السيره

الى مد يد العون ما احدٍ وراه يعين =يحط الصعاب بكبرها حبة شعيره

وابلغكم جزال التحيات يالغالين =من السيف الاجرب سيف الاجداد ما غيره

خذا في ضيافتكم سنينٍ وراها سنين =ولا حصّل من بلادكم غير تقديره

ترى الجسر وحده ما ربط بين اهلنا بين =علاقاتنا شي من الصعب تفسيره

ونبقى عليها دام حنا من الحيين =ما دام الدول ما بين جرفٍ ودحديره

الى صد الاسطول وتخاذل عدو الدين =نقول احتزم يا جار حنا هل الجيره

نوقّف ونصطف ونجي مثل سور الصين =ونعمل عليه ان حس بالضيق دويّره

على الدوله تقّدر حقوق المواطن زين =وعلى الفرد ما يعشق ورا ديرته ديره

وانا خابر البحرين توجد بها الثنتين =كبيرة مقام وشان .. لو قالوا صغيره

الا يا اهل البحرين لا ننقسم نصّين =عسى كل بيت يزيد بالحب تعميره

وعسى كل بيتٍ فيه نلقى عمر وحسين =والايام تجمعكم على الخير والخيره[/poem]

__________________

ارحب ياصديقي العزيز


ياحبي لك يابوفيصل



صح لسان شاعر الاندلس

اررررررررررحب ياابو فيصل

صح اللسان ابو محمد

وبيض الله وجهك على النقل الرائع

__________________
محمد بن عبيان آل سالم الفهري

سلمت يا ابن مسفر ولا ندمت على الخبر

والشاعر ناصر القحطاني كفو وخير من يمثل المملكة في مثل هذا المحفل الدولي

__________________

لا هنت يابو فيصل

قصيدة جزلة من راس شيخ جزل وكفو

__________________

أرحب يا علي بن مسفر ولا هنت على القصيدة وصح لسان قايلها ابو محمد

وسلمت ودمت"""""""

اقتباس:
الكاتب : ماجد بن شارع العاصمي
ارحب ياصديقي العزيز


ياحبي لك يابوفيصل



صح لسان شاعر الاندلس


يامرحبا ويامسهلا يابوتركي

__________________

بيض الله وجهك على هذا النقل,,,