اليــــــــــــــــــلة الي بدايتها قصيد وطرب.
تكاشف ابروقها لا حنت الرعودها؟
هي هات اهي هات لا لي ما يطول العنب.
يشره على شجرته لو طال عنقودها؟
الجادل الي تفاخر بالحسب والنسب.
وشلون ما تفتخر لا عدة اجدودها؟
لا تحسب ان الدم ياصل دونها لا ركب.
والحين ساقتني الاقدار لحدودها؟
من صوتها العذب تطعني بليا سبب.
ونا اتحمل خناجرها وبرودها؟
الا على طاري الطعنات لبا الهدب؟
لبيه لبيه لما سلهمت سودها؟
قالت عشاء قلت مستاجر وقالت شبب؟
هي فاهمتني ونا فاهم بمقصودها؟
دخلت في ربعة فيها دلاال ومشب.
وصبتلي الدله الي فايح عودها؟
لبا العرب يا حليب الذود لبا العرب.
من يوم قالت تعال وبهلت ذودها؟
انا اشهد انها على ما قيل عز الطلب.
وحترت ما بين حقتها ومفرودها؟
لا جيت اوصف ويش اوصف وياللعجب.
اليل في عودها وصبح بخدودها؟
والله ما كن فيهالا عضام وعصب.
عزاه لما تثنت والثنى عودها ؟
لمحت بعيونها كلام كله عتب.
سألتها ليش لاكن كان مردودها؟
قالت سلمنا ولكنها سلامة عطب.
والله يستر من العالم ومنقودها؟
دنيا وعادت ولا ادري كيف طاح الحطب.
ان باحت السدودها ما باحت سدودها؟
والله لو قيل عدها وخذ وزنك ذهب.
والله ما عودها والله ما عودها؟؟

__________________
مسفر القحطـــــــــــــــاني

ارحب يامسفر والله لايهينك على النقل

وصح لسان ابن جخير

تحياتي

__________________

لاهنت يامسفر على النقل الراااائع

__________________

مرحب يبقا وشكراً على الاطلاع يابو عساف؛؛
ولـــــــــــــــــــــــــكم تحياتي؛؛؛؛؛

__________________
مسفر القحطـــــــــــــــاني

قايل ما يهون يابو نملان ولا طيب الا من طيبك
تحياتي؛؛؛؛؛؛؛؛؛؛؛؛؛؛؛

__________________
مسفر القحطـــــــــــــــاني

ارررحب يابن هصام تراحيب المطر ..

وجعل يمنآك ماتعطب على ذا النقل الطيب ..

صح الله السانك والسان بن جخير مدد بلا عدد ..

تقبل مروري يا الشلي ..

__________________

ترحب وبك البقاء يابو راكان شكراً على المرور .
مروراً كريم وجعل تسلم يابو راكان.
ترى مثلك وشرواك لي مر يفرحبه.
تــــــــــــحياتي؛؛؛؛؛؛؛؛

__________________
مسفر القحطـــــــــــــــاني