بسم الله الرحمن الرحيم ..

السلام عليكم ورحمة الله وبركاته..

هذي القصيده من المخطوطات وقيلت في ناصر بن محمد بن عبد المحسن آل قير من شريف قحطان وكذلك بن بدره واخذت هذه القصيده من احد احفاد احفاده.. تفضلوا..


حلفت مانسى الحبيب دام بن قير..في قارته راسخ واللغف زايف
اللي يرحب الى جاووه المســايير .. يقلط البــن في دلال نظايـف
وان جاووه اهل ضمر مثل البواكيــر..رحب بركاب موميات السفايف
اللي صبور على كثـــر المخـاسيـــر..اقـول شـي وانا بالعـين شايف
جــده عريــب ومــن ربـــع مناعــيــر..مواقفـه كلــها تبـري الــحسايف
محوالهـم من الشعف مافيـه تنكير..يامن بهم لازبنــهم كــل خايـــف
ولا يتوب بن بدره من المعاشــيــر..زيــزوم غيــدان مــوريـن الرهايــف
لا لحقوا البل على قب معاطيــــر..خطر علــى الشيخ يجري له تلايف

ونعم والله في ناصر آل قير

والله لايهينك على النقل

لكن من قايل القصيده

تحياتي

__________________

لاهنت يابو سلطان

وعندي استفسار عن ال قير؟

لم اسمع بهم في شريف؟

منهم منه من شريف واين ديارهم؟

ارجو تعطينا نبذة عنهم؟

هل ال قير شريف

اليي في وادي الدواسر و يقولون انهم من ال عبدالقادر ؟؟؟؟؟

أولا مشكورين على المرور..

وسأجيب على اسئلتكم بعد ما سئلت احد افراد قبيلة آل قير..

قائل القصيده:حسب ما وردني من احد قبيلة آل قير انه سمع هذه القصيده من احد احفاد الشاعر سعد بن خلف بن مزيونه وهي من القصائد القديمة وتعتبر من المخطوطات وقيلت في ناصر آل قير القحطاني وابن بدره الفهادي وغيرهم وهي قصيدة طويلة لا يعرف منها الا هذه الابيات ..

وديارهم قرية آل قير بالقرب من جبل عين اللوي في الجنوب حول الحرجه وقال لي ايضا انهم شدوا قديما من الجنوب مثلهم مثل الهواجر وغيرهم من قحطان وهم يرجعون الى عبد القادر وهم معروفين..

وشكراا..

مرحبا اخوي ابو سلطان

ان كانك تقصد قرية ال قير اللي قرب عين اللوي

فهم من قبيلة العسران احدى قبائل بني بشر قحطان

وليس لها علاقة بال عبد القادر شريف قحطان

ولاهم حول الحرجة

هم في مركز العسران التابع لمحافظة سراة عبيدة

وهو مركز شيخ شمل قبائل بني بشر

الشيخ/سعيد بن سعد بن ثقفان

ارجو التوضيح اكثر

وهناك ناس في الوادي يقالهم ال تميم يقولون انهم قحاطين؟؟

شكرًا على المرور و لاهنت

العائلة المذكورة غير معروفة لدي وأما بالنسبة للمعلومات المذكورة فانا مجرد ناقل وأما بالنسبة للقصيدة المذكورة اعلاه فاوردتها كونها لها علاقة بقبيلة قحطان وكذلك بن بدره الفهادي اليامي وأعجبتني الأبيات فاوردتها لمحبي الشعر القديم والله الموفق

ودمتم بخير****

أصبح الكثير من الكتاب والمؤرخين يواجهون نتائج هذه الدسائس التي آمن بها الكثير من العامه ولا أقول ذلك إلا أنني متأكد أن ــ ذكر كاتب الموضوع أبو سلطان القحطاني مانصه (الحرجه وقلت ايضا انهم شدوا قديما من الجنوب مثلهم مثلالهواجر وغيرهم من قحطان) كلمة شدوا يعول عليها الكثير من الذين يحاولون البناء عل مثل هذه الأساطير ويربطون القبائل بقرب بعضها بالبعض من ناحية منازل القبيلة من القبيلة الأخرى ونحن لا نعرف شيئاً من هذا ولا نعرف كما عرف أسلافنا ، فعند ذكر أنسابهم فلان بن فلان إلى آخر جد وليس للمنازل مكان في سرد مشجرات الأنساب وكذلك القصيدة ولازال إلى يومنا هذا لا يورد الرجل قصيدة إلا ويورد نسب قائلها وتوضيح الأسماء الواردة بها . نعود ليساق الموضوع هل يريد الكاتب أن يوضح لنا أن قبيلة آل قير الخنافر هم من شريف أو بني بشر وشدوا كما قال من الجنوب مثلهم مثل الهواجر وغيرهم؟؟؟؟ . تشابه الأسماء وارد اليوم ومحل نقاش في كثير من القبائل ولايعول على التشابه إلا العامة ونذكر أمثلة : ارجو التوضيح للبيان الخنافر قحطان ــ والخنافرة المقطة عتيبة بني سعد من سكان بيشة ولا أذكر من أي القبائل الآن ــ وآل سعد الجحادرهذيل القبيلة المعروفة ــ وهذيل من البقوم
والقصيده واضحه انهم ال قير بني بشر او شريف الذين يقطنون الجنوب

وتقبل مروري

والله مشكلة يالربع لا تدخلون في نسبكم اللي ماهو فيكم تراه ذمه

تقبلو مروري وال قير في الوادي كم سنه وهم دواسر ولافيه واحد من الدواسر قال دواسر وهاللحين مدري وش حول الموجه

الامر مايحتاج التحسس الزايد الرجال ذكر قصيده ولا قال ال بوفلان من ال بوفلان ونعرف ال القير اهل العسران بني بشر ونسمع بال قير الخنافر ويمكن بعد فيه بنفس الاسم والاسماء تشابه ولا هي حكر على احد وكل له تاريخه اللي يعرفونه ربعه وفخذه وفعول جدانه والحف الموالي يذكرها اما بالنسبه لذكر الارض او الديره فهو مختلط بالدم وكل يفدي ديرته وموطنه بروحه منذو الازل واذا فيه اختلاف في العادات والسلوم فكل معجبه سلمه والسلوم والعادات معروف مصدرها ومبتداها اما بالنسبه للانساب فالامر مفروغ منه لي حك حيد حيد كلن عد جدانه لي قحطان بن هود....... تعليقا على ماذكره احد الاخوان عن هذيل فمعروف ان هذيل البقوم من قبيله هذيل نسباوهم يذكرون ذلك ومن البقوم حلفا والقبايل فيها نزايع وفيها احلاف ولا ينقص من قدرهم شيئا بالعكس وانتوا اعرف مني فيه رجال جلوا من قبايلهم وخذوا الشيخه في القبيله الجالين لها والامثله كثير والله يديم الاسلام والامن والامان وتحياتي للجميع

__________________
لو درى جنب ابن سعدانها وكادي
كان ظل الدم يسقي كل وادي
ون تلاقينا فلا تحصل ستيره