السلام عليكم ورحمة الله وبركاته
هذة قصيدة من قصائد الامير الراحل محمد احمد السديري وانا من اشد المعجبين لقصائده . واليوم حبيت اشاركم معي في هذة القصيدة.

قالوا تتوب وقلت بالطرف مصيوب
والله ماتوب وصافي الخد ماتاب
قالوا تحملت الموائيم وذنوب
قلت الذنوب الها موازين وحساب
قالوا ترى مايفعل العبد مكتوب
قلت افهم اللي تذكرونه يالاصحاب
قالواجهلت وبان بك كل عذروب
وكشفت سرك بين قومك والاحباب
قلت الهوى لقلوب الاحباب مرغوب
ايات حب صورت وسط الالباب
قالوا بعقلك ضايع الفكر منكوب
قلت الموده ماتداويها الاطباب
عقلي معي ماني من العقل مسلوب
انا الغريق وكل شي له اسباب
انا غريق مع هل الحب منسوب
مع زمرة العشاق بالحب منصاب
ما طاب لي زادن ولا اريد مشروب
اليا صفا لي صاحبي عسل الانياب
يغضى بعينه وافهم العلم مقلوب
واسري عليه بليلتن نورها غاب
يرخص لي الغالي اليا حل ماجوب
وعن القرايب حط لي ستر وحجاب
وابعد عن الشكه ولا نوش له ثوب
الاالحديث وقرعة الناب بالناب
اخاف يصبح زين الاوصاف معيوب
وهو عليه من النقا كل جلباب
مما يعيبه طاهر العرض محجوب
ولا حكوافيه البعيدين واقراب
عليه وجدي فايقن وجد يعقوب
وقلبي من اسبابه بوسط الحشا ذاب
كان انكم تدرون بللي شفا ايوب
وجدي سطى بالقلب والحب غلاب
يلومني من لاشكا حب نبنوب
طفلن قرونه ماتغطيه الاسلاب
طفلن نهب عقلي بضحكات وعجوب
فتان لقلوب العشاشيق نهاب
اصبح هو الغالب وانا منه مغلوب
غدا بعقلي بين شاري وجلاب
ان كان شفته صفق القلب مرعوب
وفتحت له بالقلب بابن ورى باب
وان غاب عنى يصبح القلب متعوب
بالصدر كنه بين لاوى وجذاب
والدمع من فوق النظيرين مسكوب
يخضر بدار ممحله عقب الاجداب
اسمه بصفحة مولع القلب مكتوب
دايم يصور لي خياله ولا غاب

__________________
محمد بن عبيان آل سالم الفهري

ارحب يامحمد

ولاهنت على النقل

والسديري غني عن التعريف

لاتحرمنا الجديد

تحياتي

__________________

تبقا يابو عساف

ابشر بكل مايسر خاطرك ياالامير

__________________
محمد بن عبيان آل سالم الفهري

ياسلام ياسلام

لاهنت ياوااافي

على النقل الاكثر من رائع

__________________

اررررررررررررررررحب ياابو محمد

الف الف الف شكر على المرور الرائع

__________________
محمد بن عبيان آل سالم الفهري

لاهنت ياوااافي

على النقل الاكثر من رائع

__________________

ارررررررررررررررحب ياابو ممدوح

الحمدلله على السلامه وخارج من الشر

الف الف الف شكر على المرور الرائع

__________________
محمد بن عبيان آل سالم الفهري