السلام عليكم ورحمة الله وبركاته


الدرداح من قبيلة الدواسر وكان مربع بابله في تثليث حول الامواه ولاهوب بعيد من الحباب وذاك الوقت جوع وخوف قاموا خبرة من ال حثيث واللي اعرف منهم حياة / فشعل ال حثيث الله يرحمه ومعه ناس من ال حثيث شافوا ابل الدرداح وخذوها وانكفوا بها صوب ديارهم استفزع الدرداح الدوسري بـ ال حميدان لانهم قد اصطبحوا بـ حليب ابل الدوسري ذاك اليوم وقام يزهم فيهم حليبها في بطونكم وعاد ال حثيث وال حميدان من دون الدوسري ربع وبني عم بعدها قامو ال حميدان يوصون ويرسلون على ال حثيث لكن ماحصل علم قاموا ال حميدان راحوا لـ ال حثيث يبغون يردون ابل الدوسري بوجيههم , يوم اقبلوا ال حميدان كان شخص يقاله ( علوان ) متقاصر مع ال حثيث يوم شاف ال حميدان قال : بيتذابحون ال حثيث وال حميدان وقام وشد .ال حميدان شافو حياة فشعل ال حثيث راقد تحت شجره جاه واحد من ال حميدان يقاله ( ابن هيام او هيام نفسه) اول ماتوعى فشعل قال ابن هيام : انا طالبك بوجهي يافشعل ابل الدرداح قال فشعل : أبو مشيبه ابشر بها ياحبابي والدعوى صارت فيها حقوق واعتقد عند ( ال مسفر الجحادر ) لكن ال حثيث صلحوا عشان ربعهم المهم ان ال حثيث تقدير لـ ربعهم ال حميدان وحق عليهم ردو الابل للدرداح وانتهت السالفه بعدها قال مدغم بن زايد هالابيات :


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ليت علوان ( ن ) من المرقاب شايف=يوم سقنا اللي مروقن فـي خطاهـا
مصلحينن ربعنـا قبـل الحسايـف=قبـل تاتـي هيـة ماشـن رفاهـا [/poem]


مروقن : الناقة اللي خطوتها طويله لا جات تمشي

الله يرحمهم جميعا

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

ارحب يابن مايقه

وحي والله اللي يقدر بني عمه وهذا الواجب بين الرجال

الحباب كفو ويفعلون الطيب

لاهنت على ايراد القصه

تقبل ودي وتقديري

__________________

أرحب أرحب يا ابن مايقة

بيض الله وجيهكم أنت و ربعك وهذا حق الرفيق على رفيقه

و علومكم ترفع الراس

أخوك : ابن قناد