هذه القصيده مقدمه إلى صاحب السمو الملكي الأمير نواف بن عبد العزيز آل سعود حفظه الله ورعاه من كل شر ومكروه وأدام الله وجوده لنا فخراً وذخراًعلى طول الدهر..
************************************************** ***
سلام ياتاج العـــرب عز الإسلام = آل ســـــــعــود مثبتين الزعــــــــامـه
أنتم عيــــال العود ذربين وكعـــــام = إكعام الخصيم اللي تغطــرس مرامـــه
نـــــواف ياراس الكرم يابن الأكرام = شيخـ(ن) شمخ بالجــود زاد إحترامـــه
حاكم حكيم الرأي من روس حكــام = لااصـــدر قراره وافيـ(ن) في كلامـــه
عسى اللذي خلفك في الجنــه اشمام = في جنــة الفـــردوس مأوى عظــــامه
وأبوك وجدّك علقوا فيك الاسهــام = وأسهامـهم فيك الكـــرم والشهامــــه
باب الكرم مفتوح عامـ(ن) بثر عام = جزل العطـاء والجـــــود تملك وسامـه
في مجمل أهل الجود حطمت الأرقام = أرقـــــــام بالتاريــــخ تشـــهد أقلامــــه
ياسيـــدي خوّتك لي صــارت أحلام = حلمــــ(ن) يراودنــــــي وعندك تمامـه
ترى الطلب خوّتك وأطلبك الاتمام = قـــــل تمّ .. تمّ لك السعـد والسلامـــه
قل تمّ .. تمّ لك الفرح طول الأعوام = الله يزيـــــــدك فــــي حياتك كـــــرامه
هذا كــــلام اللي من الفقر منضـام = ضــــــيم الفقـــر ســوّى عليّه غمــامه
الـــــفقر جاورنـــي وبنّى له خيـــام = مـــن دون باب الخـــــير بنّى خيامـــه
يآ اميرنا حــظي ضعيفـ(ن) ولا قام = فــي حفــــرة بالطـــول تسعيــن قامــه
لا جــاء بيطلع جاه من فـــوق هدّام = ومــن انهدم حظه صعيبـ(ن) مقـــــــامه
أنــــا دخيلك ياذرى كـــل منضـــام = زبــــن الدخيل اللي عدوبـــه إخصامه
حــكم عليه الشيخ بالسيف وإعــدام = خصمــــه عنــيد مــــــايبي إلا عدامه
عســاك تقضي الدين ياريف الايتام = ياريـــف من وقته تزايــــد عسامــه
دينـ(ن) مضاله فوق خمسة عشر عام = أحسـب حسابه مثل يـــوم القيامه
وطــالبك جيبـ(ن) يسبق الطير لاحـام = من وارد التايوت عجــــلـ(ن) مقامـه
لاما طرالي فــــــوقه أســــجّ الاقـــدام = بــفجوج نجـــد وفي روابي تــــهامه
عذري عن التقصير لظروف وأحـكـام = ومــــــا قصر منّي عليكـــــم تمامه
صلّوا عدد من حجّ وعداد من صـــــام = علــى نبيـ(ن) شـــــرّف الله مقـــامه

************************************************** **********
انتهــــــــــــــــــــــــــــى ..

ارجو ان تفيدوني برايكم المحترم لاول لقصائدي ...... لاهنتوا ...
" آلشآيـــــــــــــــــــــــــــــب"

ارررحب الشايب

ورأيي صح لسانك وبيض الله وجهك ومجمل وغانم

ويستاهل الممدوح الامير نواف




تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود

بارك الله فيك .. تسلم .. الله يطول في عمرك .. وانتظروا جديدي