في ذات ليلة كان الشيخ الفارس /شالح ابن هدلان ساهر حزينآ كظيمآ مع احزانه بعد وفاة ابنه المشهور ذيب ، وكان شخص من قحطان يسمى الهويدي قد ضاع منه طيره واخذ يبحث عنه بالليل ويسأل رافعآ صوته كلما مر بنار قطين مناديآ (من عين الطير ) فعرفه الشيخ شالح وسكت اول مره ثم استمر بسؤال بكل نار يمرها والمره الثالثه ناداه شالح وكان الهويدي لا يعرف انه شالح الذي ناداه وعندما وصل عرفه وسلم عليه وتقهوا وبعد السوالف

قال الشيخ/ شالح هذه القصيده:

إن كان تنشد يالهويدي عن الطير
الطير والله يالهويدي غدا لــــــي

طيري عذاب معسكرات المسامير
إن حل عند قطيهن الجفالـــــــــي

إن جا نهار فيه شر بلا خــــــــير
وغدا لهن عند الطريح اجتوالـــي

إن دبرن خيل وخيل مناحـــــــــير
وغدن مثل مخزمات الجمالـــــي

على الرمك صيده عيال مناعيـــر
وشره على نشر الحريب الموالـي

يضحك ليا صكت عليه الطوابيــــر
طير السعد قلبه من الخوف خالــي

خيالنا وإن عرجدن الـــــــــمظاهير
وزويزوم عيرات طواها الحـــيالي

غيث لنا وإن جت ليالي المعاســــير
وبالشح ريف للضعوف الهزالــــي

يسقي ثراه من الروايح مزابـــــير
تمطر على قبر سكن فيه غالــــي

لاهنت يالخنفري

والقصيدة من اروع قصايد شالح بن هدلان الله يرحمة

الله يرحمه ..

ولاهنت يا سلطان على النقل عز الله انها من القصايد اللي انا احبها جداا ..

تقبل مروري نفدآك ..

__________________

انا اشهد انه صادق

طيره يصد رياجيل وفرسان وشيوخ

وطير الهودي يصيد ارنب ولا حباري

هذا الفرق


جعلهم بالجنه كلهم

ارحب يا سلطان

لاهنت ياوجه محمود

على طرح هذه القصيده الرائعه لشالح بن هدلان

ونريد منك المزيد ياغالي

اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

بيض الله وجهك

على الاختياار الاكثر من راائع

تقبل المرور يالغالي

__________________