[poem=font="Simplified Arabic,5,blue,bold,normal" bkcolor="transparent" bkimage="backgrounds/8.gif" border="none,medium,gray" type=1 line=0 align=center use=ex num="0,black"]
((السلام عليكم قصيده من الارشيف للتواصل))


ياخالد اليوم والله حالتي في أدبور=والصدر ياصاحبي كثرت به غمومه
ماني على بيح سدي ياولد مجبور=مير العباري بوسط الصدر مكتومه
الفقر ياصاحبي عنا طوال اشبور=اشقى عيون الحرار اللي لهم حومه
ينصى وسيع البطان وشاف منه الجور=يخلف بهقواته ويضعف له عزومه
كم واحد"ينحسب ضمن العرب طابور=طلق المحيا وتحسب طلة قدومه
مخبر بالوفاء وفي الكرم مذكور=وان اعتزى في الملاقاء شمر كمومه
لابيتبع المخطيه ولاشهد بالزور=ويزبن اللي شكى من حرة ضيومه
من العدم راح يشكي من بعض لاْمور=اللي تغث الصدر وتزود همومه
غدى كما العود لامن حل في الحنجور=يكدح نهاره وليله مااهتنى نومه
ياالفقر مدري علامك تبتلي المنعور=تشن حربك عليه وتلحقه لومه
ولاالردي ماسكن ياكود وسط اقصور=مكثر عقاراته ويامكثر سهومه
كثرو محبينه وصفّق له الجمهور=كل"يبي قربه وينشد عن علومه
من بين ربعه غدى له طلة"وحضور=عزوا مقامه وهو هيبته مثلومه
اي والله انا نعرفّه عندنا مخبور=ليت الزمن يرجع ويكشف لنا علومه
من عقب ماهوضعيف وعاله ومكسور=اليوم سموه شيخ وصارله زومه
المال يعز الردي ويحط له دستور= ويكسبه قول نعم ويقهر خصومه
ومن قل ماله تضايق من جهته اصدور=ويلقى الجفا والصدود بليله ويومه
وحنا بوقت"تخالف ملته والشور=ماهو بيفرق مابين الصقر والبومه[/poem]