[poem=font="Arial,5,black,normal,italic" bkcolor="black" bkimage="backgrounds/15.gif" border="none,medium,gray" type=4 line=0 align=center use=ex num="0,black"]
قال ابن شبله قول والفكر حساس =شاعر وفي الميقاف يشعب بعيره

يا هاجسي ما عاد في الوضع مجلاس =عطنا علومك والسوالف الأخيره

من تجربة الأيام صنفت أنا الناس =وعرفت منهو محزمي والذخيره

أطمع بخوة طيب الصيت والساس =اللي على العليا يحث المسيره

خوته عز" لي وفخر" ونوماس =هو فزعتي وقت الليالي العسيره

يفديني برأسه وأنا أفديه بالرأس =وفي طرقتي لا شك ما أخترت غيره

هذا ومثله خوته تمنع الباس =وتجبٌر اللي عظام وقته كسيره

وألا الردي ما منه يا كود الإفلاس =قربه خساره والخساره كبيره

ما ينفعك في الضيق لا صرت محتاس =ولا له مع العربان ذكر" وسيره

والطيب في كل الرجاجيل مقياس =والله لا يقطع للأجواد ديره

بن شبله.[/poem]

صح لسانك واعتلى شانك قصيده معتبره

--------------------------------------------------------------------------------
صح لسانك واعتلى شانك قصيده معتبره

بيض الله وجهك يبن شبلة على هذه القصيدة الرائعة ولا غربية منك

__________________
تهب الهبوب وكل ساعة تجيك علوم

صح بدنك وشكرااااااااااااا على المرور

لا نقول الا أنها قصيده

نبعت من تجربه عظيمه

صح لسانك

صح لسانك يابوسالم

ولايستغرب الطيب من هله

شاعر وحفيد شعار وفريس

مزيد من العطاء والنجاح

وتقبل ود بحر

__________________

بيض الله وجهك يبن شبلة على هذه القصيدة الرائعة ولا غربية منك

__________________

لاهنت على القصيده الطيبه


تقبل تحياتي ومروري