السلام عليكم ..مساء الخير اخواني في شبكة قحطان...
هذه القصيدة قلتها متأثرا بوفاة المغفور له باذن الله العم الشيخ:مالح بن حسين آلجمان رحمه الله واسكنه فسيح جناته "انا لله وانا له راجعون"...
والعذر فان المرحوم اكبر من ان تكتب فيه قصيدة رثاء...
اقول وعمر السامعين يطول...

[poem=font="Simplified Arabic,6,darkred,bold,normal" bkcolor="transparent" bkimage="backgrounds/1.gif" border="solid,thick,darkred" type=4 line=0 align=center use=ex num="0,black"]
لو تعثّر دموع العين وسط الهدب=حين سارت بنا نحو السكوت الركاب
الفجيعة على مرساي تمشي لهب=من رماد المصيبة لي خيام وثياب
يوم أعاتب عيوني زاد منها المصب=طال بيني وبين الدار وقت العتاب
قالت الأرض يارجّال مابه عجب=طين لازب رجع بالشوق نحو التراب
بعد فرقى الحبيب الروع صاب المحب=يكفي انّا حطب والموت عنده ثقاب
سامحوني حروفي ما تكفّي الخطب=وان تصدّع كلامي في سكوتي جواب
لو رثيناك ياعمّي وبان السبب= في خدودي حقول وفي عيوني سحاب
لو بكينا على الدنيا فحنّا ركب=نعرف انها نهر والّا النهاية سراب
الأوادم بغاية كدح لهو ولعب=زارها الموت ياخذ يابس الاحتطاب
حولي اشجار لوساق المهب المهب=ماعطتنا ظلال ولا ذرى واكتساب
من معين الهداية في نخلها رطب=والرجل عمره الايمان بعد الذهاب
طول خمسين عام(ن) في ظلاله عرب=كرّم الله وجه (ن) كان للخير باب
للولايات عن موطنه هو منتدب= كان قمة سعودي للسفر والاياب
اغترابه كفاح وللمعالي كسب=في وطنّا دعى للخير واصلح واناب
حظّي اللي تشرّد في البلاد وتعب=تكثر آهاتنا وأحضاننا اللي تصاب
يوم سمّوه مالح لاجل حفظ النسب=واشهد ان له حياة بفعل واسمن مهاب
في حلوق الأعادي صب ملح القصب=وفي كبود المودّيين شهدن مذاب
اتوسل كريم الجاه في كل كرب=الندى صار من فوق الشفايا رضاب
ربّنا تسكنه بجنان نهر وعنب=واجعل القبر روضة ثبّته للجواب
فاح دمع العيون وصدري اللي نحب=زاد وجدي وطبعك يالمزون الرباب
للمحبّة معاني بالمحاني تصب=وسط صدري تسقّي واحته والهضاب
احسن الله عزانا بشيخنا ياعرب=يرحم الله فقيد الربع شيب وشباب
ما انتظرنا لجودك ياكفوف العظب=يحمل الدّين هد وضاع مشي الغراب
احمد الله وهبنا من جميل الأدب=ماكفرنا قتال ولا فسقنا سباب
لو تعثّر دموع العين وسط الهدب=يا عسى الصبر يفتح لي مع الوقت باب[/poem]

وسلامة الجميع،،،
أخوكم / الشاعر :ناصر حسين سعد آل جمان،،،

ارحب يابو زياد تراحيب المطر...
هلا والله وغلا....
بيض الله وجهك ...وصح لسانك...ابداع مابعده ابداع......
رحم الله الفقيد :مالح ال جمان برحمته الواسعة...
واسكنه فسيح جناته...
انا لله وانا له راجعون...
اخوي ناصر :لا تحرمنا الجديد من ابداعك ...وخطوة موفقة الى الامام ...
في شبكة قحطان باذن الله....
تقبل فائق ودي وتقدير واعجابي...
اخوك: فهد الهباش@@@

صح لسانك رحمة الله عليه واسكنه جنات النعيم اشهههههههههههههههههد انا فقدنا رجااااااااااااااااااااااااااااال ومايعوضه طوابير رجال
اسال الله العظيم ان يغفر له ويرحمه والله من الوجه السمح والخاطر الوسيع
يارب انك تزين ماقفه قدامك وتطيب فاله

__________________

للأسف هناك أبيات في القصيدة كانت فيها أغلاط املائية...لم استطع التحرير..
أرجو من الإدارة الكرام تعديلها....
الأبيات هي:
لـلـولآيــات عــــن مَـوْطـنـًـه مـنــتــدب
كــــان قــمــة ســعــودي لـلـسـفـر والايـــــاب
____________
حـظّــي الـلــي تـشــرّد فـــي الـبــلاد وتـعــب
تـكـثـر آهـاتـنـا وآحضَّنَا الـلــي مصــاب
____________
مـــا انتـظـرنـا لـجــودك يـاكـفـوف الـعـظــب
يحمـل الـدّيـن هــدهد ضــاع مـشـي الـغـراب

______تحياتي واشواقي....(ناصر الجمان)

الله يرحمه ويسكنه الجنه

بيض الله وجهك

ولاهنت

وصح الله لسانك

تقبل مروري

اسال الله العظيم ان يغفر له ذنوبه وان يستر عيوبه وان يفرج كربته كما فرج كربتي وان يبارك في عياله واسال الله لهم التوفيق واحسن عزاكم فيه والحقيقة انه نعم الخوي ولم ادري بوفاته الا حينما استعرضت المشاركة وصح لسانك على هذه القصيدة وتمنيت اني شاعر لكتب في ابو فهد ديوان ولن اوفيه حقه ولك يالاخ ناصر كل الشكر والتقدير والله يعوضك بخير فيه

__________________
تهب الهبوب وكل ساعة تجيك علوم

اشكر كل من رد على المرثيه الاولى بجميل الثناء وصدق الدعاء واسأل الله ان يتغمد عمي برحمته وان يسكنه منازل الشهداء وان يجبر كسرنا بعده فان ابو فهد لم يمت لوحده ولكنه بنيان قوم تهدم
والشكرموصول لزميلي الشاعر لفهد الهباش على طيب مشاعره واهتمامه واتمنى من اخي عاشق البدو تعريفي بشخصه الكريم

الله يرحمه ويسكنه الجنه وصح لسانك وابيض وجه يالغالي

__________________

احد(ن) فعوله تجمل بني عمه..........واحد(ن) على ربعه شرهه ومنقود

وانت سالم

وعسى الله يتغمده بواسع رحمته انه القادر على ذالك

وعزالله ان كلن يمدحه ويذكرونه بالخير وانت ياناصر عزالله انك رثيت بنص ثري فعلاً

الله يرحمه ويسكنه الجنه وصح لسانك وابيض وجه يالغالي
التوقيع

__________________