[poem=font="Simplified Arabic,5,black,bold,italic" bkcolor="transparent" bkimage="backgrounds/7.gif" border="none,medium,gray" type=4 line=0 align=center use=ex num="0,black"]
السلام عليكم ورحمة الله وبركاته



قصيده للتواصل للي قلبه اخضر



صلوا على النبي ...



الله يخلي لي حبيبي وياقاه = من المرض ومن الحسد والنكاده
وجعل السعاده في حياته ودنياه = يعيش في راحه وحب وسعاده
وابقى معه وابقى على طول يمناه = اصير له لا طاح مثل الوساده
يستاهل اتعب له وادور على إرضاه = واتوجه فالروح تاج السياده
هذاك لو تكثر وتكبر خطاياه = اشوفها عندي بحجم الجراده
وهذاك لو تدرون بصغر مزاياه = كلٍ تولع به وسلم فؤاده
في نظرة عيونه وضحكة شفاياه = جيشٍ من امريكا بكامل عتاده
آبادني واسرف على الحال وآنهاه = واحرق غلا غيره بعيني وآباده
مستحوذ احساسي من اقصاه لدناه = عنده على سلب المشاعر شهاده
له من ورى نبض الخفوق وحناياه = منازل وشعب وحكومه وقاده
خلوه في كيفه وشفه ومشهاه = يقطف زهر عمري وياخذ حصاده
مركز مرور الحب في قلبي اعطاه = على عروق القلب رخصة قياده
احبه زياده من العام واهواه = وفي كل عام يمر احبه زياده
عايش معه واحاتي ايام فرقاه = مالي على فرقاه صبر وجلاده
من قو شوقي له ومن قو معناه = علقت في جيد القصايد قلاده
قصايدي تلقح على طيب ذكراه = واكثر معانيها بحالة ولاده
وجدي على شوفه وقربه ولاماه = وجد الغريب اللي تذكر بلاده
مدري متى يسمح لي الوقت وآلقاه = على فراغ وطيب نفس وركاده
في ذمتي من يقضي العمر وياه = يعيش في راحه وحب وسعاده[/poem]

احبه زياده مـن العـام واهـواه وفي كل عام يمـر احبـه زيـاده

مشاري صح لسانك رائع قصيده عاطفيه معبره على طريقة مشاري الخاصه , تحياتي وتقبل مروري وتمنى لك مزيدا من الابداع

ياابن بتال صح لسانك يامبدع عزالله ابدعت

صح الله لسانك يا مشاري

مبدع كعادتك , وانت تعرف وجهة نظري في كل ما تطرح

قصيده جزله وفي غاية الروعه أعجبتني سلاسة معانيها التي إن دلت على شي فهيا تدل على قوة شاعرية قائلها

تقبل مروري وفائق احترامي

ابو معتز مرحبا والله وسهلا


وصح الله ابدنك وشاكر لك على هالاطراء الطيب من الرجل الطيب

محمد ابو حكام



مرحبا فيك والله يحييك


صح الله ابدنك ولاهنت على مرورك

خالد الجروي


اررررحب تراحيب الحيا


صح الله ابدنك يا خالد ولا خلا ولا عدم


وشرواكم مروره شرف لي ولقصيدي


تسلم ياغالي لكن العين ماتعلى على الحاجب


لك تحياتي يالجروي

لاهنت كلمات رائعة

__________________

اررررررررحب يابن بتال وصح لسانك على القصيده

جزله من راسن جزل وتقبل مروري

صح الله لسانك يامشاري واعتلى شانك


قصيدة جزله ومليانه وعزالله انك جبتها على الجرح


وننتظر جديد مثايلك