السلام عليكم اخي البشري واسعد الله صباحك بالخير والنور والسرور

الحقيقة صور جميلة وتذكر بالماضي .

والحقيقة لو ان الناس وهيئة الاثار تهتم بالمحافظة على ذلك الطراز المعماري الفريد الذي بدأ ينقرض مع تمدد العمران ...

سمعت الاسبوع الماضي ان خرائب طريف في الدرعية اضيفت لقائمة التراث العالمي وهي لاتستاهل ذلك الادراج بينما تراث البناء الجميل الذي لازال يستخدم يهمل ...

سؤال لو تكرمت , هل الزراعة تعتمد على المطر ام ان هناك ابار او سيول دائمة ..؟ وما هي اهم المزروعات

شكرا لك

أهلاً وسهلاً بالحبيب الغالي كيفك يا أبو عصام عساك طيب وكيف الولد طيب وبخير
أولاً أبغاك تعطيني الحق من أبن الشايب أوعدني أن يمر علية في ألديرة ولا جاء
ثانياً: الله يسلمك أجاوبك على السؤال الذي طرحته ولو أني دوبني وصلت بيتي من السفر لكن من أجل عينك وعيون الشباب تكرم مدن بنسبة للزراعة تعتمد على المطر وفية أبار تراها في الصورة فيها ماء ويا أبو عصام السنة هذه هطلت أمطار غزيرة لم تهطل مثلها من 30 سنة بنسبة للمحاصيل هي القمح الذرةوالبر والطماطم والرمان والفركس والخوخ والشمام والعنب والديرة ما أدري أيش يسمونها في الرياض زي الفاصوليا والدخن والله واجد يا أبو عصام نسيت مسمياتها
أتنمى أني قد وضحت لك الصورة نفدا ذا الوجه

وعليكم السلام

نحن بخير جعلك ومن تحب بالف خير وصحة وعافية

ابشر بالحق وابو محمد معذور ... كان حول الديرة بس خلصت بطارية جواله ناسي الشاحن في البيت...

بيض الله وجهك على ردك الوافي يا الوافي

ونعم يالبشري



كيف حالك وأحوالك .. نفداك وتسلم لي . أبشر باللي يرضيك .



ألف شكر على هذه الصور الرائعة ..


وهي على إسمها .. زهرة بني بشر ..


قرية تقع جنوب مدينة سراة عبيدة بحوالي خمسة عشرة كيلآ .


قريبة جدآ من الإطلالة على تهامة قحطان . إحدى مدن الضباب بالمنطقة الجنوبية ..



أنت ماتربط حصانك عني .. وتشوف لك واحد ثاني غيري ..


أنت تدور على ويش بالظبط .. أنا مرسل لك رسالة فيها توضيح إني سأتصل عندما أفضى .


وبعدين قلنا يومين .

أو يوم الأحد ووصلنا رمضان وأنت ما نشدت عني ليه ماجيتك ولا إتصلت .. أقلها تتطمئن ..؟.؟.


أنا اللي أبي الحق منك ... وقف عندك . ولا تشرد مني .. مالك فكة .. صدناك مافيها حكا ..


أنت اللي جبته لنفسك .. أنا ساكت ولا قلت كلمة .. ؟.


بالنسبة لموضوعك هذا أول مانزلته .. عملت عليه رد في منتهى الروعة بعد رد ماجد الأول ..؟.

وبدل ما أظغط إعتمد المشاركة ..

غمزت مربع أحمر على اليسار من فوق...,.,.

إلا . هذا سطح المكتب يرحب بي ...؟.؟. ومدري وين راح الرد ... قفلت الجهاز من غير تركيز ..؟.

بغت تنطق تسبدي ...

فكرت في نفسي ...ليش حصل كذا ... وإذا أنا شايب ماعاد يشوف زين والدنيا عنده مخلوطة .


واليوم جات الفرصة للرد. وتبين لي إن الله هو اللي أراد هذا .. حتى أكتشفك ... ياشكاي ...

سبحان الله .. تطلب الحق .. ومن أطراف الأرض . وأنا حولك . ماتطلب أخباري وسلامتي .؟.


طيب ........ طيب .



صيفية فيها صلاح .. يمدح السوق من كسب فيه ..


فيها كد وشل وحط وحفر ودفن وود وجب ورح وتعال إلى أبعد مدى ..


بدليل شكواك على ماجد ..


والله العظيم إني ما وصلت والدي في بيته من عدم الفرصة ..


قريت كلمة والله .. وتؤمن به .. العلم جاك ..




ونعم يابوعصام


هذي الخوة ولا بلاش ... قال لك معذور .. خلاص . أسمع الكلام .. معذور وإقرأ بعينك.. معذور .

الله يوفقك يابو عصام ويبيض وجهك ..

بس موضوع البطارية كيف عرفت عنه .. الظاهر إني أضم وأضيع .

وفي ذمتك هذا عذر ... الشاحن في البيت .. خلصت الشواحن مرررررة . .! ! ! ..


الله يعطيكم العافية ولاهنتوا وأنت يابو عصام آمرني باللي تبي وأنا أوفيها لعيونك .. قل وطل ..


أشكر مشاركاتكم الطيبة والتي تدل على طيب الخوة والتقدير والإحترام . أدامه الله بيننا جميعآ .


تقبلوا تقديري وحكاي والسلام




.

[frame="1 80"]وبعدين قلنا يومين .

أو يوم الأحد ووصلنا رمضان وأنت ما نشدت عني ليه ماجيتك ولا إتصلت .. أقلها تتطمئن ..؟.؟.


أنا اللي أبي الحق منك ... وقف عندك . ولا تشرد مني .. مالك فكة .. صدناك مافيها حكا ..


أنت اللي جبته لنفسك .. أنا ساكت ولا قلت كلمة .. ؟.

بدليل شكواك على ماجد ..


والله العظيم إني ما وصلت والدي في بيته من عدم الفرصة ..


قريت كلمة والله .. وتؤمن به .. العلم جاك ..[/frame]

أبو عصام نفداك أحكم في هذا الكلام
شيخناك في الحكم
أخيراً أسئل الله العلي العظيم أن يحفظك ويهنيك في هذه الصيفية ووالله أني كنت أنتظرك بشوق وكان على بالي تخاويني جبال الحشر وجلت الموت والربوعة بس والله فاتتك وترني سافرت من الديرة

ونعم يالبشري


ماعندك إلا.. يابوعصام يابو عصام .!!!!!!


ويش تبي من أبو عصام خله في حاله .؟.


أنت تفكر إن أبو عصام شيخ على شان هو من القصيم ...


أبو عصام مافي راسه حديث مرفوع وحديث غريب .؟.؟.


أبوعصام في راسه خطوط الطول ودوائر العرض ..؟.؟.


أما إزعل ولا إرض ..أنت حر . مادمت فوق الأرض ..!!


الشيبة ماجد هذا .. الله يسلمك ..مهندس .. تعرف ويش مهندس ..


يعني أكله وعيشته من ورى القطم والبطحاء .. من غير ما يلمسها ..!! هندسه . شف . كيف ..؟.


بس الصراحة سمعت إنه بطل منها .. أو إنتهت صلاحيته للعمل .. قد هو شاااااااايب شاااايب ..؟


والله العالم ليش ترك العمل ..؟. لكن مابه سبب .. إلا الكبر .. الرجال عوووود بالحيل جدا جدا جدا ..؟.


ويوقولون شوفه قل ماهو زي أول . ... كبر وأنا أخوك والكبر لازم يأخذ حقه . من الإنسان ...


حتى إنه إذا شاف الإسمنت .. يسأل اللي حوله من وين جبتوا الرماد هذا .. يعني إنه باقي يميز .!!! .


لكن يبقى غالي علينا ولانرضى بعده. ولا نرضى عليه مكروه .. لكن ماهو شيخ حكم .. تفهم ولا . لا .!!.




والآن هو .. راح يغير جو .. بعيدآ عن غبار الإسمنت اللي علق في الجو ولازال عالق حتى الآن ..؟؟.



أخوي الغالي . من بني بشر ..ماودي أدعي عليك بالحشر .. ولا فيه حشر يوم الربوع .. الغالب إنه يوم

الجمعة ..


عسى الله يعفي عنا وعنكم جميع وكل من وافانا في تياه القرنة . مدري الصفحة .! ؟؟؟...



الله يرحمنا برحمته ولاهنت ولا شنت وتسلم من الإسمنت .



تقبل تقديري وحكاي والسلام


.

أبو عصام تدري قبلت عذره ولو أن فيه شك ولكن قد الرجال ينسى وقررت أسمية جدي أبن الشايب