رد : امجـــــــــاد شاعــــــــــر
كـن السحـاب الـلـي تكـاشـف بـروقـه *** احــــــلام بـــــــدو لـلـمـخــايــل تــخــايـــل
والــبــرق يشـغـفـهـا وتـتـبــع حـقــوقــه *** ترجـي المـزون اللـي تشـق الخمايـل
والـحـلــم مـطــلــب والـتـعـالــي يـعــوقــه *** والـتــيــه خـــلـــف لـلـعـطـاشــا مـــلايـــل
اكـثـر مــن الثلثـيـن واهـــل السـبـوقـه *** صــدوا وهــم يضربـهـم فـــي المـثـايـل
ومـن يـضـرب الكـايـد تمـيـز طـروقـه *** والـمــجــد نـــاســـه مـــاتـــدور بـــدايـــل
مـثــل العطـيـفـي يـــوم بـيــن شـروقــه *** وعــد الفـرايـد مــن نـواصــي لـصـايـل
والـمـجـد عـشـقـه والامـانــي تـسـوقــه *** والـزنـد يـقــدح مـــن عـظـيـم الفـتـايـل
والـفــعــل وافـــــي والـنـشـامــا تـــروقـــه *** وتاقـت لهـا حـتـى النـفـوس الغـلايـل
ومن سل سيف العـز واحكـم وثوقـه *** وبـانــت مواقـيـفـه عـلــى كـــل طــايــل
تـرفـع لـــه البـيـضـا وتـحـفـظ حـقـوقـه *** شاعر علم . فارس . ونعم الفعايل
شــيــخ ولــــد شــيــخ تـبــيــن فــروقـــه *** مــن لابــة تـعـرف بـوقــت الصـمـايـل
فـــي حـربـهـا سـيــف وســـاع فـتـوقـه *** وفــي سلمـهـا تلـقـى عـيـال الحمـايـل
ســـم عـلــى كـبــد الـمـعـادي حــروقــه *** ولضيفها ترخـص مـع الطيـب حايـل
ونفسي علـى مـدح النشامـا شفوقـه *** اقــولــهــا بـالــفــعــل والـــشــــك زايـــــــل
ارضــيـــت فــكـــر مـاتـنـاســا غـبــوقــه *** اضحى على دربك يسـوق الجمايـل
والـحـر لا مــن ضــاق قـطـع سبـوقـه *** وابــــرم جنـاحـيـنـه ولا هـــــو بـســايــل
وانـــت كـــذا حـــراً . وســـاع شـدوقــه *** صــيــده سـمـيــن مـايـصـيـد الـعـلايــل
اطـربـنـي الـمـوقــف وطـيـبــه وذوقــــه *** كـــــامـــــل ولله الـــعـــزيــــز الــكــمـــايـــل
وانــــا عـبـيــدي كــــل عـلـيــا تـشـوقــه *** ربـعـي مخضـبـة السـيـوف الصقـايـل
جـيـنــا نــبــارك لــبــن رفــــده لـحــوقــه *** ركـــب الـرمــوز الشـامـخـه بـالـدلايــل
والـجـد واحــد قـلــب تـنـبـض عـروقــه *** قـحـطـان ون عـــدة فــعــول الـقـبـايـل
وياشاعر المليـون فـي القلـب توقـه *** لمـشـاهـد الـفـريـس فـــوق الاصـايــل
صح الله لسانك يا ذيب واعتلى شانك
عز الله انها قصيدة جزله وارويتني شعراً ولا مدحت الا شغاميم وانا انتظر جديد مثايلك
تقبل مروري العطر
التعديل الأخير تم بواسطة صالح حسن الكيرعاني ; 08-06-2010 الساعة 04:12 PM
08-06-2010, 04:09 PM
تعليمات المشاركة
العرض الشجري