هذه القصيده في سيدي ولي العهد القيتها في حفل القوات المسلحه بالجبيل

*** سمي الغيم ***

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تراكم في سماء جو البلاد بحكمة الرحمن = نصوب يرتجف رعادها ومزون مليانه

مصادرها قلوب بالوفاء والحب والعرفان = تعبر عن وفاها والكلام يجيك برهانه

يشع النور من وجه الصباح ويبهج الوجدان = نودع ليل من حلكة ظلامه بان عنوانه

يمر الغيم في كبد السماء ونقول ياسلطان = سمي الغيم مثل الغيم لا من هل ودانه

فرحنا والفرح فينا يزيد وللفرح برهان = بعد ماشافتك عينً على شوفتك شفقانه

هلا بك والسلامه فال والفرحه تدوم ازمان = هلا من شاعر سخر لحبك در قيفانه

هلا بك يالزعيم ابن الزعيم مؤسس الاوطان = نحيي بك فرح وقلوبنا بالحيل فرحانه

هلابك والقلوب ارضك امير وفي الامير انسان = سما باسم الاماره والله اللي رافع شانه

اترجم لك بشعري حب مايقدر على الكتمان = وانا كليى فخر والشعر لك شرعت بيبانه

لانك في القلوب وحبكم يجري مع الشريان = فلا يمكن يعيش القلب ماغذاه شريانه

ولا نك للضعوف ولليتاما مرقب مزبان = ترانا كلنا لك فدوةً والنفس طربانه

ولانك مسند اللي من زمانه حاير وعجزان = عطيناك الولا والطيب باسمك وانت سلطانه

ولانك ياسليل المجد ظل للبلد وكنان = نسوق ارواحنا دون الوطن ونصون من صانه

وانا من شعب ابومتعب وجدي من بني قحطان = ولاكم في القلوب وحبكم ما مال ميزانه [/poem]


ذيب العبيدي