شكرا لك
ولا اقول الا رح الله يسامحك يا سمي
تراني ما صدقت على الله انك عطيتني هذا اللقب
ولا اذن لصلاة العصر إلا وانا حول قصر الحكم بالرياض
في قيصرية البشوت
تعرف الالقاب تبغى لها بشوت وكبك من اكبر نوع
وخاتم اكبر من عين الجاحظ
وعصى خيزران
المهم كل هذه الامور مقدور عليها
اللي ما اقدرت عليه
ان اللي في سوق الزل والبشوت ما يعرفوني
جلست اتمتم واقول " ملك الكلمة " ملك الكلمة ملك الكلمة
ما احد جاب خبر ولا يدرون ويش السالفه
واحد منهم سمعني خطأ وقال: ملك الموت
المهم ، اني زعلت ، وجا في خاطري
شوي جاتني فكره ، فكره شفتها في مزاين ام رقيبه السنه اللي راحت
قمت واخذت الجوال
وحطيته على اذني
وجلست اكلم
طبعاً اكلم نفسي واقول: ايه ،ايه ، معك ملك الكلمة
وزودتها شوي وقلت ، ملك الكلمة والحرف (تعرف الطمع شين)
ويوم شفت الناس يطالعون ، خذاني الطمع زيادة
وانا اقوم استرسل: ايه ايه ، ايوالله ما عليك خفيّا ، الربع انتخبوني
رئيس لمجلس كتاب الكلمة والحرف ، والحقيقة انها تشريف ، ولا بعد رديت عليهم .

شوي ، الا والجوال يدق في اذني
شوي الا وابو يمن اللي يخبن البشت طاقها ضحكه
بس ، طلع ابو يمن يسوى قبيلة
طمني في الحال وقال: وسع صدرك هذا سوق البشوت والأرانب أهم شي : ما حد سمعك من اللي يعرفونك.
حق الخبنة خمسين ، وقمت وعطيته ميه.


الله لا يخسرنا
=-=-=-=-=-=


حسين ابو عيبه
كل من ذكرتهم يستحقون الاشادة والشكر على ما قدموه
اما العبد الفقير إلى عفو ربه حسين آل حمدان
فهو والله اقلهم عطاءً
واكثرهم حاجة إلى القراءة لا إلى الكتابة
وهو اكثرهم هروباً من الموقع
وأقلهم اسهاماً
.

__________________
مجموعة من صوري





مدونتي