شور ياولد شورزين

اي افتح فوهه الكيس حتى يسهل تعبئته

اكيد ما للك مفر يابو محمد
اجابه ولا في الاحلام

__________________

ونعم يالبشري


والله إنك غالي نفداك ولا ودي أفقدك مرة ثانية .


لا والله إلا إجابة رجال ونعم وكفؤ .





يالله المعونة على البشري وما يخفيه .

معي الله ثم جناب ما حن مخلين حيلة .


تقبل تقديري وحكاي والسلام





.

ماعليك زود انت والاخوان
ويفداك اللاش


الكلمه الجديده هي
السحب
س مشدده مفتوحه
ح سكون
ب سكون


يالله ابداؤ بالتوفيق

__________________

ونعم يالبشري


حوري دوري



السحب هو اللي ينم الحرث به ويدخل في اللومة نفداك والمضمد الله لايهينك


كيف أنا معك قبرتني



تقبل تقديري وحكاي والسلام



.

اوريك خل الدور يجيني طبك عندي

جوابك سليم
هات ماعندك يا ابا محمد

__________________

.

ونعم يالبشري


أما هذي النرة الكلمة من عند المناطق اللي صوب السهل يالبشري .


ولا أظن تعرفها والله أعلم . والله إنك عنيد وراسك يابس .


الكلمة هي


..((( . الوقر .)))...


الواو بالفتحة


والباقي سكون + هدووء


دورها من طريب وشمال .



تقبل تقديري وحكاي والسلام



.

هلا يابو محمد


عيني عليك باردة


فكرة الموضوع جميله


المهم الوقر هو مكان عادة يكون في صخور الجبال يجتمع فيه الماء ويشربون منة الرعيان


كيفني بابن الشايب



الكلمة اللي عندي



جحر


وعسى مامرت


ج..ضمة وشدة معا

ح...سكون..

ر...سكون


يرعاكم الله

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

والنعم يامنصور


من طول الغيبات جاب الغنايم


تبي تقول لنا إنك بدوي . قديمة ...... هههههههه ..


ياويش درى منصور بالبداوة .


صح لسانك يالذيب . ولاهنت

====


السؤال ماهو على كيف أي واحد من الباب إلى الطاقة زي مايقولون .

لازم نحترم صاحب السؤال وهو اللي يصحح إجابات الأعضاء

وأول إجابة صحيحة يوافق عليها السائل. يصبح عند المجيب السؤال

والموضوع ويتابعه حتى يجيب عضو آخر ويستلم المجيب السؤال من السائل .

=======

هكذا



والنعم يامنصور إجابتك صحيحة والسؤال الآن عندك يابو نواف .

=======


دور لك كلمة صاحية ... ويش جحر هذي .


أما بخصوص سؤالك فيعتبر محروق .؟ لأنك سألت قبل أن تعطى الدور من السائل .

ولكن على شانك.أنا أجاوبك ترضية لك ياغالي . الجحر . هو ما تحفره الدواب في الأرض

أوتحت الأحجار لتعيش فيه وتختبئ . وعادة يكون على حجم الحيوان الذي قام بحفره .

فالضب يختلف جحره عن جحر الكلاب وعن جحر الجرابيع .



أعتقد الموضوع واضح ولكن الظاهر ماعندك إلا العافية . عطنا سؤالك وتابع الإجابات لاهنت.



مرورك أضفى على الموضوع نور ومشاركتك مشرفة نفداك . ولك في القلب مقدار فوق الوصف .


وغيبتك مزعلتني وأنت غالي الله يسعد أيامك ويستر عليك .



تقبل تقديري وحكاي والسلام




.

.

السلام عليكم ورحمة الله وبركاته


بغينا الفزعة والمعونة من مراقبنا الفذ الخلوق .


منصور الغلا والغالي . وينك ياحبيبنا . كل هذا مشغول برضه .؟؟؟.؟


أظن إنه مثل ما يقول .


جينا بك يا عبدالمعين .؟


مع الأخ الفاضل منصور فرصة في طرح سؤال حتى الليل .


وإذا لم يطرح سؤاله .


سأطرح نيابة عنه .. لأني آخر من جاوب وسأل .


============
============



وياليت توافقونني الرأي . بحيث إذا تأخر العضو في طرح السؤال لمدة يومين .

يقوم العضو اللي سأل قيله بطرح سؤال ويلغى دور المتأخر في طرح السؤال .


=========================
=========================



تقبلوا تقديري وحكاي والسلام




.

نوافقك يا ابا محمد

__________________