[poem=font="Simplified Arabic,4,black,bold,normal" bkcolor="transparent" bkimage="" border="none,medium,blue" type=1 line=0 align=center use=ex num="0,black"]
عز واليك يابرقن نحاوي
قام يلعج على وقت العشيه
ساري بالدجى نوره سناوي
يشتعل في ظلام الخرمسيه
جعل تبوك لهملوله حراوي
تغتشيها سحابة شوشليه
ومن حدود البحر لين الشفاوي
لين حد السهل وابعد شويه
كل وادي وضلعان ومطاوي
تستقي من مزون العقربيه
تنبت فياض تبوك والمزاوي
تكتسي مثل زرع العاذريه
والله اني على المسرى شفاوي
يم هاك المرابيع العذيه
حطو العفش بالجيب السماوي
قوسو الزيت وعبو تانكيه
وارد الشرق مخلوف الجناوي
كن له بالصحاري جاذبيه
منوة اللى على المرواح ناوي
دون داره سراب المهمهيه
كن نقرة سوتشه ينبعاوي
يوم ينقر خيوط السمسميه
وكن لجة قزوزه ذيب عاوي
يوم القمر غاب جاوب خويه
وكن طقة جنوطه بالملاوي
في جنوبه الحصى وقش برديه
وأن تنهض مثل فرخ النداوي
ماسكه عجته بالجرهديه
وأن تبين مع الطعس النباوي
طلعت الشمس والتربه نديه
مثل واحدن من زمول اللحاوي
يوم للجيش صيتن ومقدريه
ياحلو وقفته والليل ضاوي
في حضون الجبال اللومحيه
في شعيب من الغدران راوي
تو مسقيه وبل الهلهليه
له ليالي من العالم خلاوي
غير حس الحجل والراعبيه
كن ريحة عشوبه ريح جاوي
فايحه مع ذعاذيع المسيه
وأن وردنا على الجم الرهاوي
من قراحه حكرنا شاذليه
كن فنجالها طب المداوي
يبرى عماس صبيان الحميه
منوة اللى يحبون القهاوي
كنه خضاب وضاح الثنيه
ومن بعدها ذبحنا تيس شاوي
والشحم طية من فوق طيه
كن فوح الزفر فوق المشاوي
فايح من حنيذ الحضرميه
جلستن تطرب القلب الشقاوي
لو همومه كبار وسرمديه
مع نشامى على قد الهقاوي
فيهم المرجله كسب وسجيه
وياحلو بالدجى جر الغناوي
جرها بالحون السامريه
وان لعبنا على القاف الملاوي
به عسفنا حروف الابجديه[/poem]
منقوووووووووول

__________________

حنا مراجلنا على هبت الريح
لاخالف الواجب عيال الرخومي
جــــــــــــــــــــــــــــــــــــــــــــذام

ارررحب اررررحب ..

جزل واختيارك موفق ووافي ..

صح الله السان الناقل والقايل مد دبلا عدد ..

تقبل مروري ..

__________________

شاكر مرورك العطر يافلاح تقبل تحياتي وانا اخوك

__________________

حنا مراجلنا على هبت الريح
لاخالف الواجب عيال الرخومي
جــــــــــــــــــــــــــــــــــــــــــــذام