ونعم ياسعد ونعم بعلومك يابو محمد


الله لا يهينك . ولا تزعل من توقعاتي .


حسب ما ذكرت معك حوض سنافي ولا خذيته على شان تنصب .


ذيك الإيام العاقل إذا خذاله عبارتين جاه هبال .

توقعي هذا لا يعنيك يابو محمد لأني أعرف زعلك .

وهو يخص الشخصية المرسومة في القصة من واقع شباب تلك الأيام .


حسب وصفك لنفسك . عارف ما حد موقف لك . كملت الحسبة .؟


أنا أتوقع إنك يوم عينت الرجال ميت وفي أول وقتك ما مر أحد ولا وقف أحد وأنت مقبل على الدنيا

أيامها يابو محمد . والشيطان دائمآ يلعب على الناس كلها ومضى لك وقت لحالك . والمكان مندرق.

أعتقد إنك جمعتها مع ما عينت في الأكياس وطلعتها وجمعتها فوق . وتطلع وتنزل إلين ما خليت شي

تشوفه العين . و قلبت السيارة وعينت إثباتات وتبين لك إن راعيها من قوم ما يرضى عليهم الرجال

أي ردا فيما لو إنكشف الإمر .أو بدا لك علم جميل .

أما إنك بتبلغ فصعبة . أيامها نعرف إن اللي يبلغ ما يسلم وينشب نفسة ولا أحد يصدقة وخاصة إنك

لحالك وتالي ليل والحادث بعيد وبالعقل لأي محقق لو سألك كيف عرفت . ما يصدقك لو قلت غبار.

ولا يصدقون بالصدفة أيامها . إلا عينوا كبش فدوة ولا أنت بترضاها .

هذا اللي يسويه أي شاب في ذاك الوقت حسب ما أتوقع . أما من ناحية قبولها أو أخذها في أول الأمر

للنفس فهذي أيضآ صعبة . ولكن إذا شاف الإنسان الوقت مضى ومهمة الجمع أنجزت يتدخل الشيطان

واللي حظه طيب يستره الله .

أما لو إن الأمر في هذه الإيام والله يابومحمد إن أحلف دونك والدنيا تختلف من وقت إلى وقت .


عندي إحساس قوي إن هذا الموقف في تلك الأيام يجلب جميل ومعارف والله أعلم ونفداك تعلمنا .


أبيض وجه على طرح مثل هذا التساؤل ولكن أعتقد إن أكثر اللي ردوا ما عاصروا تلك الأيام وثقافتها .


تقبل تقديري وحكاي والسلام



.

ارحب يابن الشايب ارحب


الله يستر عليك يابن الشايب اعرف انك بتشطح وبيقوم ابيليس يلعب في عبك هههههههههه

كانت تلك الايام تسمى ايام الصحوه الذي بداوا بها شيوخنا الافاضل سعيد مسفر وعايض القرني

الزعل مني عليك وعلى جميع زملانا في الشبكه مرفوع مهما بلغ خذ راحتك

وتقديرك على الراس وحكاك مقبول وسلامك محبه

تقبل تحيات خوك